Sefaniya 1:17 - Mandinka Bible

¹⁷ Yaawe ye ñiŋ ne fo ko: “M be ñiŋ niitoora siifaa le samba la naŋ hadamadiŋolu kaŋ, ì si taama ko finkintewo, ì la junube kuwolu kamma la. Ì jawoolu ye naa ì yeloo boŋ ko jiyo, ì furewolu ye tara fayiriŋ bankoo to fo ì ye toli.”

Sefaniya 1:17 ပူးပေါင်းရင်းမြစ်များ

Mika 7:13

Bari duniyaa banku koteŋolu si tumbuŋ jee siilaalu la baara kuwo kamma la, ì la baaroo joo be ke la wo le ti.

Lankenemoo 3:17

Ite ko, i fankata le, i ye ñaatotaa soto, aduŋ i maŋ suula feŋ na. Ite moo mantoorariŋo, i maŋ a loŋ ko, i mu balafaa moo le ti. Ite fuwaarediŋ, i mu finkintewo le ti, i kenseŋo tuta.

Jabuuroolu 83:10

Wolu mennu kasaarata Endori, ì furewolu tolita bankoo to.

1 Yohana 2:11

Bari meŋ ye a baadiŋo koŋ, wo maarii be diboo le kono, aduŋ a ka taama diboo le kono. A maŋ a loŋ, a ka taa daameŋ, kaatu diboo ye a ñaalu finkindi le.

2 Pita 1:9

Bari moo meŋ dasata ñinnu la, wo maarii finkita le. A la jeroo sutiyaata, aduŋ a ñinata le ko, a seneyandita le fokabaŋ ka bo a la junuboolu kono, a ye mennu ke nuŋ.

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.

Roomankoolu 11:7

Wo to, Banisirayilankoolu ka meŋ ñini, ì maŋ wo je. Tomboŋ moolu mennu be ì kono, wolu doroŋ ne ye a je, bari doolu sondomoolu bambanta le

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Niikuyaa Suukuwolu 2:21

Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.

Niikuyaa Suukuwolu 1:18

“Rim! A fele m boyita bataa kono, moo bee, ali i lamoyi. N na sunkutoolu niŋ fondinkewolu, ì ye ì bee le samba mutoo kono. Yaawe tilinta le, bari hani wo m balanta a la kumoo la.

Niikuyaa Suukuwolu 1:14

“Ñok, a ye m muta, ka n na junuboolu siti n ye yookoo* ti, a faŋo buloo le ye ì siti, fo ì nakita n kaŋo bala, a ye a tinna n korita las. Maariyo ye n duŋ moo bambandiŋolu le bulu, n te n loo noo la ì fee.

Niikuyaa Suukuwolu 1:8

Ite Yerusalaamu, i ye junuboo ke jawuke le, wo le ye i kosondi teŋ. Mennu bee ye i horoma naata i koŋ, kaatu ì ñaa loota i ŋayiboo le kaŋ. A fele, i ka ŋuntaŋ i faŋ ma ka i ñaadaa maabo.

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 15:3

Yaawe le ye ñiŋ bankee ko: “M be kasaara kuu naani le naati la ì kaŋ. Wolu le mu ka ì faa hawusaroo la, wuloolu ye ì furewolu kuruntu, duwoolu ye ì domo, wulakono daafeŋolu ye ì too labaŋ.

Yeremiya 10:18

kaatu Yaawe ye ñiŋ ne fo ko, a be bankoo moolu fayi la kampuraŋo la ñiŋ waatoo le la. A be dimiŋ baa le naati la ì kaŋ, fo a ye duŋ ì la kendeke.

Yeremiya 4:18

“Ali taañaalu niŋ ali kekuwolu, wo le ye ñiŋ laa ali kaŋ, aduŋ a yankankatoo diminta le, a dunta ali la, hani fo ali jusoo to.”

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 2:17

Fo i faŋo le maŋ ñiŋ laa i faŋ kaŋ baŋ, biriŋ i ye i koo dii nte Yaawe i la Alla la, tuma meŋ n tarata i ñaato ka i samba siloo la?

Yesaya 50:1

Yaawe* ye ñiŋ ne fo ko: “Futuubaŋ kayitoo lee, ŋa ali baamaa niŋ meŋ bula? Fo ŋa juloo le taa moo bulu, n ñanta ali waafi la meŋ yaa, ka n na juloo joo? Ali la junuboo le ye a tinna ŋa ali waafi, ali la boyidaalu ye a tinna ŋa ali baamaa bayi.

Yesaya 29:10

Kaatu ko, Yaawe ye siinoo baa le kupi ali kaŋ, aduŋ annabiyomoolu mennu keta ali jerilaŋ ñaalu ti, a ye wolu ñaalu tawuŋ ne, jerilaalu mennu keta ali kuŋolu ti, a ye wolu kuŋolu suki.

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Esekiyeli 16:38

M be i kiitindi la le ko musu jeenelaa, aniŋ ko moofaalaa. M be n na kiiliyaa kamfaamaa le jindi la i kaŋ ka saayaa mantooroo laa i kaŋ.

Esekiyeli 24:7

“A ye yeloo meŋ boŋ, hani saayiŋ a be a kono le. A ye a laa bere kenseŋo le kaŋ, a maŋ a boŋ bankoo to ka a muuri niŋ bankumunkoo la.

Esekiyeli 24:8

A ye n kamfandi le fo ŋa a kuluu. A ye yeloo meŋ boŋ, ŋa a ke beroo le kaŋ, i si a je, a te a muuri noo la.”

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”