Sefaniya 1:13 - Mandinka Bible

¹³ Ì la fankoo bee si ñapinkaŋ ì bulu, ì la buŋolu bee ye kasaara. Ì ye buŋolu mennu loo, ì te sabati la ì kono, ì ye wayini* yiroolu mennu tutu, ì te ì jiyo miŋ na.”

Sefaniya 1:13 ပူးပေါင်းရင်းမြစ်များ

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Mika 6:15

Ali si fiiroo ke, bari ali te a munafaŋo soto la. Ali si olifu yiridiŋolu biti, bari ali te a tuloo nafaa soto la. Ali si wayini* yiridiŋolu biti, bari ali te a jiyo miŋ na.

5 Musa 28:30

Ali si sunkutoolu futuusiti, kee doo ye ì londi kewo la. Ali si buŋolu loo, bari ali te sabati la ì kono. Ali si wayini* yiroolu tutu kankaŋolu kono, bari ali te i tinee la ì diŋolu la.

Esekiyeli 7:21

ŋa a dii luntaŋolu la ko ñapinkaŋ feŋo. M be a dii la duniyaa moo jawoolu le la, ì ye a ke feŋ nooriŋo ti.

Yeremiya 15:13

Yaawe ko n ye le ko: “M be ali la naafuloo niŋ ali la sotofeŋolu dii la le ka ke ñapinkaŋ feŋo ti. Ñiŋ ne be ke la ali la julujoo ti, ali la junuboolu kamma la, ali ye mennu ke bankoo fannaalu bee la.

Yeremiya 9:19

Lembakaŋo moyi naŋ Siyoni* ko: ‘Hee, ǹ kasaarata le! Maloo feeneeta ǹ kaŋ ne! Fo ǹ si bo ñiŋ bankoo kaŋ doroŋ, kaatu ì ye ǹ na buŋolu boyi le.’ ”

5 Musa 28:39

Ali si wayini yiroolu tutu kankaŋolu kono, ali ye ì topatoo a ñaama, bari ali te ì yiridiŋolu kati la sako ali si ì jiyo miŋ, kaatu tumboolu le be ì bee tiñaa la.

Sefaniya 1:9

Wo luŋo la, moo-wo-moo ka a siŋo sawundi bundaa kuŋo la, jalaŋo silaŋñaa kamma la, aniŋ moo-wo-moo ka a maarii yaa fandi feŋolu la, a ye meŋ soto fitinoo niŋ nakaroo la, m be ì bee le jarabi la.”

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

Esekiyeli 22:31

Wo kamma la, n na kamfaa baa be jii la naŋ ì kaŋ ne ko dimbaa, ka ì jani. Ì ye meŋ juloo duŋ, m be ì joo la wo le la.” Maarii Yaawe le ye a fo.

Esekiyeli 7:19

“Ì la kodiforoo te ì nafaa la feŋ na, ì be a fayi la mbeedoolu kaŋ ne, ì la sanoo be ke la ì ye le ko feŋ ñewundiŋo. Nte Yaawe la yankankatoo luŋo la, ì la kodiforoo niŋ sanoo te ì tankandi noo la. Ì la wo fankoo te konkoo bo la ì la waraŋ ka ì konoolu fandi, kaatu ì la wo fankoo le ye ì duŋ junube kewo to.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Yeremiya 5:17

Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

5 Musa 28:51

Ì be ali la beeyaŋolu niŋ ali la siimaŋolu bee le domo la, ì te feŋ tu la ali ye, biriŋ siimaŋ kesoo to, wayini kutoo, olifu tuloo, ali la ninsoolu, saajiyolu niŋ baalu, ì be ì bee le taa la ali bulu, ali ye labaŋ kasaara la.

Yeremiya 17:3

aniŋ konko baalu kaŋ, kene fanuŋolu to. M be ali la naafuloo niŋ ali la sotofeŋolu bee dii la ali jawoolu la ñapinkaŋ feŋo le ti, ka ke ali la junuboo joo ti, ali ye mennu ke ali la bankoo fannaalu bee la.

Niikuyaa Suukuwolu 5:2

Ǹ na keetaabankoo dunta luntaŋolu le bulu, ǹ na suwolu, bantala moolu bulu.

Esekiyeli 7:24

Bankoo meŋ moolu jawuyaata bankoolu bee ti, m be wolu le wulindi la naŋ, ì ye naa ì la buŋolu taa. M be sembemaalu la kibiroo daŋ na le, ì la dulaa senuŋolu be koso la le.