Roomankoolu 1:29 - Mandinka Bible

²⁹ Ì be faariŋ tilimbaliyaa siifaa bee le la, konnanteeyaa, hadumoo aniŋ kuu jawoo. Ì be faariŋ niŋ haasidiyaa la, moofaa, keloo, neeneeroo aniŋ daajika jawoo. Ì mu koomakumarilaalu le ti,

Roomankoolu 1:29 ပူးပေါင်းရင်းမြစ်များ

2 Korintinkoolu 12:20

Nte be silandiŋ ne ko tumandoo, niŋ n naata, n te ali tara la ko n lafita ali tara la ñaameŋ, aduŋ alitolu te nte tara la ko ali lafita n tara la ñaameŋ. N silata ñiŋ na le ko, m be sonkoo tara la ali kono le, kiiliyaa, kamfaa, hadumoo, ñoo tootiñaa, koomakumaroo, faŋ waroo aniŋ jakasoo.

Kuma Kotoomaalu 16:28

Moo jawoo ka fitinoo le maamandi, aduŋ naafikoo ka teeroolu la teeriyaa le tiñaa.

Kuma Kotoomaalu 26:20

Niŋ loo maŋ soto, dimbaa ka faa le, niŋ koomakumaroo maŋ ke, sonkoo ka baŋ ne.

Jabuuroolu 41:7

Mennu bee ye n koŋ ka n na kuwo dukuduku ñoo ye le. Ì ka kuu jawoo le ŋaniya n ye.

Roomankoolu 3:10

ko a be safeeriŋ ñaameŋ: “Moo te keriŋ, meŋ tilinta, hani moo kiliŋ.

Matiyu 5:32

Bari saayiŋ m be a fo la ali ye, moo-wo-moo ye a la musoo bula, a maŋ ke ko a la musoo ye jeenoo le ke, wo maarii be a dundi kaŋ jeenoo le to. Aduŋ moo-wo-moo meŋ ye bulamusoo futuu, wo ye jeenoo le ke.

1 Timoti 3:11

Wo ñaa kiliŋo la, niŋ musoolu le mu, ì ñanta jari la buuñaa la le, ì maŋ ñaŋ na ke la kajafirilaalu ti, ì ñanta soobeeyaa la le, ì ye foroyaa feŋolu bee to.

Titus 3:3

Baawo ntolu faŋolu keta nuŋ toolewolu le ti, aniŋ yaamari mutabaloolu, mennu neeneeta ka sila tilindiŋo bula. Balajaatoo la hame jawoolu niŋ niidiyaa kuu siifaa jamaa le ye ǹ joŋyandi, meŋ ye a tinna, ǹ tarata baluuriŋ jawuyaa niŋ kiiliyaa kono. Ì ye ǹ koŋ ne nuŋ, aniŋ ŋà ñoo koŋ.