Nehemiya 6:18 - Mandinka Bible

¹⁸ Moo jamaa be Yahuuda, ì sonta Tobiya ma le. Wo daliiloo mu ñiŋ ne ti ko, Ara dinkewo Sekaniya mu a la musoo faamaa le ti, aduŋ Tobiya dinkewo Yehohanani ye Berekiya dinkewo Mesullamu dimmusoo le futuu.

Nehemiya 6:18 ပူးပေါင်းရင်းမြစ်များ

1 Taarika 3:21

Hananiya dinkewolu, wolu le mu Pelatiya ti, aniŋ Yesaya. Yesaya le ye Refaya wuluu, Refaya ye Arinani wuluu, Arinani ye Obadiya wuluu, Obadiya ye Sekaniya wuluu.

Esira 2:5

Ara koomalankoolu, moo keme woorowula, aniŋ taŋ woorowula niŋ luulu.

Nehemiya 3:30

Ate bala, Selemiya dinkewo Hananiya niŋ Salafi dinkee wooronjaŋo Hanuni, ye dulaa doo fanaa seyinkaŋ dadaa. Itolu bala, Berekiya dinkewo Mesullamu, ye a faŋo la buŋo ñaatiliŋo la le dadaa.

Nehemiya 3:4

Uriya dinkewo Meremoti, Hakosi mamariŋo le ye a coki ka bo itolu bala. Ate bala, Berekiya dinkewo Mesullamu, Mesesabeli mamariŋo le ye cokiroo ke. Wo bala, Baana dinkewo Sadoki le ye seyinkaŋ looroo ke.

Nehemiya 6:17

Wo waatoo kono, Yahuuda ñaatonkoolu tarata leetari jamaa le kii kaŋ Tobiya ye, aduŋ Tobiya tuta jaabiroo kii la ì ye le.

Nehemiya 6:19

Ì ka a la baara betoolu fanaa fo n ye le, aduŋ ì ka n na kumoolu sindi a ma le. Aduŋ Tobiya ye leetaroolu kii le ka n silandi.

Nehemiya 7:10

Ara koomalankoolu, moo keme wooro, aniŋ taŋ luulu niŋ fula.