Nahumu 3:7 - Mandinka Bible

⁷ Moo-wo-moo ñaa boyita i kaŋ, a si bori i la, a ye a fo ko, ‘Ninewe kasaarata le fokabaŋ, jumaa le bala be faa la a ye?’ Moo be bo noo la miŋ, meŋ be a sabarindi la?”

Nahumu 3:7 ပူးပေါင်းရင်းမြစ်များ

Yeremiya 15:5

Yaawe ko: “Jumaa le be balafaa la alitolu Yerusalaamu moolu ye, waraŋ jumaa le be ali la kuwo kumboo la? Jumaa le be hani jenke la kara la ka ali la kuwo hati?

Yesaya 51:19

Ñiŋ maasiiboo fula-fula boyita i kaŋ ne, kooroo niŋ kasaaroo, konkoo niŋ hawusaroo*, Jumaa le be balafaa soto la i ye? Jumaa le be i sabarindi la?

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Niikuyaa Suukuwolu 2:13

N Dimmusuriŋ Yerusalaamu, n kanuntewo, n si muŋ ne fo noo i ye, ka i la kuwo misaali? Ite Dimmusuriŋ Siyoni, n si i la kuwo niŋ muŋ ne laa ka i sabarindi? I la baramoo diinonta le ko fankaasoo, jumaa le si i jaara noo?

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

4 Musa 16:34

Ì la wuuroo ye a tinna Banisirayilankoolu mennu bee be ì daala borita. Ì kumata ko, “Bankoo be ntolu fanaa kunuŋ na le!”

Nahumu 1:1

Kiilaariyaa kumoo fele Ninewe saatewo la kuwo to, kibaaroo, Alla ye meŋ lankenemayandi Nahumu Elikosinkoo ma.

Yeremiya 50:18

Wo kamma la, Yaawe Alihawaa Maariyo*, Banisirayila la Alla ye ñiŋ ne fo ko: “M be Babiloni mansakewo niŋ a la bankoo jarabi la le, ko ŋa Asiriya mansakewo kuluu ñaameŋ.

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.