Nahumu 3:13 - Mandinka Bible

¹³ I la kelediŋolu juubee, ì bee keta musoo ti. Dimbaa ye i la bankoo naanewo sorondaŋolu bee jani, dulaa bee yeleta i jawoolu ye hakañi.

Nahumu 3:13 ပူးပေါင်းရင်းမြစ်များ

Jabuuroolu 107:16

Kaatu a ye jaawali daa tawundaŋolu janjaŋ ne, a ye nee bantambiloolu katiŋ-katiŋ.

Jabuuroolu 147:13

A ka i daa tawundaŋolu bambandi le, a ye neema moolu ma mennu be i kono.

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

Yeremiya 50:36

Hawusaroo be naa a juubeerilaa fanoolu kamma le, fo ì la tooleeyaa si loŋ, a be naa a kelejawaroolu kamma, fo ì si kasaara!

Yeremiya 50:37

Hawusaroo be naa a suwoolu kamma le, aniŋ a keleraŋ sareetoolu, aniŋ a la banku koteŋ kelediŋolu bee kamma, fo ì si lamfu ko musoolu! Hawusaroo be naa a naafuloolu bee kamma le, fo ì si ke ñapinkaŋ feŋolu ti!

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Obadiya 1:9

Temani, i la kelejawaroolu bee le kija be bo la. Moo-wo-moo be Esawu konkotundoo kaŋ, ì bee le be faa la.” Yaawe le ye a fo.

Nahumu 2:6

Boloŋo daalu si yele, mansabuŋo ye boyi piram.

Nahumu 2:7

A be laariŋ wo le ñaama ko, ñiŋ saatewo moolu ñanta ke la dooyaa moolu le ti, ì ye tara mutoo kono, a jommusoolu ye woosii ko puraa, ì ye ì sisoolu lipa niikuyaa kamma la.

Nahumu 3:15

Dimbaa be i domo la jee le to, hawusaroo ye i faa. I be kasaara la le ko kuntiŋolu ye feŋ meŋ domo. I faŋ siyandi ko kuntiŋolu, i ye i faŋ lafaa ko jatatoŋolu.