Nahumu 2:13 - Mandinka Bible

¹³ Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Nahumu 2:13 ပူးပေါင်းရင်းမြစ်များ

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

Yeremiya 21:13

A juubee, m be i kele la le, ite Yerusalaamu, wulumbaŋo santo siilaa, ite meŋ be tintindiŋ konko beroo kaŋ.” Yaawe le ye a fo. “I ka a fo ko, ‘Jumaa le si ntolu boyinkaŋ noo, waraŋ jumaa le si duŋ noo ntolu la buŋolu kono?’

Jabuuroolu 46:9

Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

2 Mansoolu 19:23

Sennakeribu ye kiilaalu kii ka nte Yaawe neŋ ne. A ko, ‘N niŋ n na keleraŋ sareeti* jamaalu seleta konkoolu santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Nahumu 3:1

Kooroo be yeleboŋ saatewo ye, faniyaa saatewo, saatewo meŋ be faariŋ ñapinkaŋ feŋolu la, saatewo meŋ, a la ñapinkandiroo maŋ dandulaa soto.

Esekiyeli 5:8

Maarii Yaawe ye ñiŋ ne fo ko: “A fele, m buloo be sii la ali la le. M be ali halaki la bantala banku moolu bee ñaatiliŋo la.

2 Mansoolu 19:9

Ì ye kibaaroo le fo Asiriya mansa ye ko, Mansa Tirihaka, Kusinkoo*, be siloo kaŋ ne ka naa keloo boyi a kaŋ. Bituŋ a ye kiilaalu kii Yahuuda mansa Hesekiya kaŋ kotenke.

Yosuwa 11:9

Yosuwa ye a ke ì la le, ko Yaawe ye a fo a ye ñaameŋ: A ye ì la suwoolu lanjuuru, aniŋ a ye ì la keleraŋ sareetoolu jani.

Nahumu 3:12

I la tatoolu bee ka muluŋ ne ko sooto diŋ mooriŋolu, niŋ sooto suŋo jiijaata doroŋ, ì si joloŋ ì domolaa daa kono suruk.

Esekiyeli 39:1

Yaawe* ko: “Ite hadamadiŋo, kiilaariyaa kumoo fo Maralilaa Kooki ma, a fo a ye ko, nte Maarii Yaawe ye ñiŋ ne fo ko: A fele, m bulu be sii la ite Kooki ma le, Mesaki niŋ Tubali maralilaa.

Esekiyeli 38:3

Yaawe, Mansa Tallaa ye ñiŋ ne fo ko: A fele, m buloo be sii la ite Kooki ma le, Meseki niŋ Tubali maralilaa.

Esekiyeli 35:3

Nte Maarii Yaawe ye ñiŋ ne fo ko: M maŋ tara ali la kuwo to, aduŋ m bulu be sii la ali ma le. M be ali kasaara la le, ali ye kenseŋyaa.

Esekiyeli 29:10

Wo kamma la m buloo be sii la i niŋ i la wo Nayili Boloŋo bee la le. Aduŋ m be Misira bankoo kenseŋyandi la le, a ye ke tumbuŋo ti ka bo Mikidoli saatewo to ka taa fo Asuwani saatewo to, ka taa wo la fo Kusi* naanewo to.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Esekiyeli 28:22

i si a fo Sidoninkoolu ye ko, nte Yaawe Alla buloo be laa la ì kaŋ ne, ŋa n na kallankeeyaa* lankenemayandi ì kono. Niŋ ŋa n na kiitiyo laa ì kaŋ, ka ì halaki, aniŋ ŋa n na seneyaa yitandi ì kono, wo to ì bee be a loŋ na le ko, nte le mu Yaawe ti meŋ jankuta.

Esekiyeli 26:3

Wo kamma la Maarii Yaawe ye ñiŋ ne fo ko: “Ite Tire, m buloo be laa la i kaŋ ne, aduŋ m be banku jamaalu le wulindi la i kamma ko baa baliŋo ka wuli naŋ baa kono ñaameŋ.

Yeremiya 51:25

“A juubee, m be looriŋ i kamma le, ite kasaaralilaa meŋ ye buŋ ko konkoo, ka kasaaroo ke duniyaa bee kono taariŋ. M be m buloo teeka la le, a ye laa i kaŋ, ŋa i birimintindi ka bo i turu jaŋo to naŋ, ŋa i jani fo i ye keremu.” Yaawe le ye a fo.

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

2 Taarika 32:19

Ì ka Yerusalaamu la Alla la kuwo fo le, ko ì ka banku koteŋolu la alloolu la kuwo fo ñaameŋ, moolu ye mennu dadaa ì buloo la.

2 Mansoolu 18:19

Asiriya kelediŋ kuntiyo ko ì ye ko, “Asiriya mansa baa ko a lafita a loŋ na le Mansa Hesekiya be jikiriŋ meŋ na.

2 Mansoolu 18:17

Asiriya mansa ye a la kuntii baa saba Taritani, Rabusarisi, aniŋ Rabusake kii, ì niŋ kelediŋ kafu baa ka bo naŋ Lakisi ka taa Hesekiya kaŋ Yerusalaamu. Ì wulita ka naa Yerusalaamu, aduŋ kabiriŋ ì futata, ì loota siloo to jiibori dinkoo maafaŋo la, meŋ ka woyi naŋ ka bo santo daloo to ka taa Kuuru Dulaa.

Yosuwa 11:6

Yaawe* ko Yosuwa ye ko, “Kana sila ì la, kaatu saama ñiŋ ñoŋ waatoo nte faŋo le be ì bee duŋ na Banisirayilankoolu buloo kono ka ì faa. I be ì la suwoolu le lanjuuru la, aniŋ i ye ì la keleraŋ sareetoolu jani.”

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Esekiyeli 13:8

Wo kamma la, Maarii Yaawe ye ñiŋ ne fo ko: “Baawo ì fokumoolu niŋ ì la jeroolu bee mu faniyaa le ti, m buloo be sii la ì la le ka ì halaki.” Maarii Yaawe le ye a fo.

Esekiyeli 21:3

A fo ì ye, nte Yaawe ye ñiŋ ne fo ko: M buloo be laa la ì kaŋ ne ko n jawoolu. A fele, ŋa n na hawusaroo* bondi a laa kono naŋ ne, ka moo kuruŋolu niŋ moo tilindiŋolu bee faa.

Nahumu 2:12

Jatoo ka daafeŋ koteŋolu le faa, a ye a diŋolu konoo fandi ì la, a ye ì kaŋo kati jatamusoolu ye. A ka a la koloo fandi deema suboo le la, a taradulaa ye tara faariŋ suboo la.

Nahumu 3:15

Dimbaa be i domo la jee le to, hawusaroo ye i faa. I be kasaara la le ko kuntiŋolu ye feŋ meŋ domo. I faŋ siyandi ko kuntiŋolu, i ye i faŋ lafaa ko jatatoŋolu.