Nahumu 2:12 - Mandinka Bible

¹² Jatoo ka daafeŋ koteŋolu le faa, a ye a diŋolu konoo fandi ì la, a ye ì kaŋo kati jatamusoolu ye. A ka a la koloo fandi deema suboo le la, a taradulaa ye tara faariŋ suboo la.

Nahumu 2:12 ပူးပေါင်းရင်းမြစ်များ

Yeremiya 51:34

Moolu ko: “Babiloni mansakewo Nebukanesa ye i baluu ǹ na le, a ye ǹ saji, a ye ǹ kenseŋo londi ko jiibindaa. A ye ǹ kunuŋ ne ko saa baa, a ye a konoo fandi ǹ yuwo la, a ye ǹ senanku ko miraŋo.

Jabuuroolu 17:12

Ì jatamaalu le be hameriŋ ka m faraŋ-faraŋ, ì be bitiriŋ ne komeŋ jatoo, ka ñapi n kaŋ.

4 Musa 23:24

Banisirayilankoolu wulita le ko jatamusoo, ì wulita le ko jatoo, meŋ buka i dahaa fo a ye a la deema suboo domo, a ye a la faari suboo yeloo miŋ.”

2 Samuweli 17:8

I ye a loŋ, i faamaa niŋ a la kewolu mu kelelaalu le ti, aduŋ ì be saŋarariŋ ne ko, ì ye jatadimbaa meŋ diŋolu suuñaa. Hani wo nte, i faamaa ye londoo soto keloo la karoo la le, a niŋ kelediŋolu te suutoo laa la dulaa kiliŋo to.

Nahumu 2:11

Ì la saatewo keta ñaadii le, meŋ ka muluŋ nuŋ ko jata koloo, jatadiŋolu daañini dulaa, jatoolu sabatidulaa, jatamusoolu niŋ jatadiŋolu, daameŋ moo buka haañi ka ì waliŋ jee?

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”