Nahumu 2:10 - Mandinka Bible

¹⁰ Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Nahumu 2:10 ပူးပေါင်းရင်းမြစ်များ

Jabuuroolu 22:14

M fankoo suusuuta le komeŋ niŋ jiyo bonta bankoo to. N kuloolu bee bota ì cokoolu daa le, n jusoo keta n kono komeŋ niŋ kaañoo yelunta.

Yoweli 2:6

Biriŋ ì coomanta, moo bee kijoo teyita, ñaadaalu bee yelemata.

Daniyeli 5:6

Mansa ñaadaa yelemata wo loodulaa to. A silata baake, fo a suufoolu korita, a kumbaliŋolu ka busa ñoo la.

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Sefaniya 3:6

Yaawe kumata ko: “Ŋa bankoolu kasaara, ì la tatoolu tumbunta, ŋa ì la siloolu kenseŋyandi, moo buka taama ì kaŋ. Ì la saatewolu kasaarata, moo te tara la ì kono, hani moo kiliŋ.

Nahumu 3:7

Moo-wo-moo ñaa boyita i kaŋ, a si bori i la, a ye a fo ko, ‘Ninewe kasaarata le fokabaŋ, jumaa le bala be faa la a ye?’ Moo be bo noo la miŋ, meŋ be a sabarindi la?”

Yeremiya 51:62

Wo koolaa i si naa a fo ko, ‘Kooni Yaawe, i ye ñiŋ ne fo ko, i be ñiŋ bankoo kasaara la le, fo hadamadiŋ waraŋ beeyaŋ te sabati la jee. A be kenseŋyaa la le fo fawu.’

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yosuwa 2:11

Kabiriŋ ŋà wo moyi, wo ye ǹ kijoo teyi le. Ali la kuwo ye a tinna le, moo maŋ jiki soto kotenke. Kaatu Yaawe ali la Alla, ate le mu Alla ti Arijana kono santo, aniŋ duniyaa kono jaŋ duuma.

1 Musa 1:2

Duniyaa maŋ sawura soto, feŋ te jee. Diboo le ye jiyo kunkaŋo bee muuri. Alla la Nooroo be yaara kaŋ jiyo santo.

Yosuwa 7:5

Bituŋ Ayi saatee moolu ye ì kelendi, ì ye moo taŋ saba niŋ wooro ñoŋ faa ì kono. Ì ye ì bayi le ka bo saatewo ñiŋ daa to ka taa fo Sebarimu. Ì ye ì faa le, biriŋ ì be bori kaŋ konko jindaalu la. Wo naata Banisirayilankoolu kijoo bee teyi, ì sumayaata ko jii sumaa.

Yeremiya 8:21

Bayiri n na moolu le toñonkata, m fanaa toñonkata le. N ka kumboo le, niitooroo ye duŋ n na.

Yeremiya 49:23

Ñiŋ kiilaariyaa kumoo le fota Damasiku ma: “Hamati niŋ Aripadi saatewolu jikilateyita le, kaatu ì ye kibaari jawoolu le moyi. Ì kijoo teyita le, ì dunta ñoo to ko baa waameriŋo, meŋ buka tenkuŋ noo.

Esekiyeli 21:7

Niŋ ì ye i ñininkaa i ka muŋ ne kumboo fo i ka sikisiki teŋ, i si a fo ì ye ko, i ye kibaaroolu mennu moyi, wolu silaŋo warabaata le. Niŋ a waatoo siita, a kijateyoo be doolu ketundi la le, doolu ye tu jarajara la, silaŋo niŋ dewuŋo kamma la, aduŋ moo bee kumbaliŋo be kori la le las. Waatoo ñiŋ siita naŋ ne, a te baayi la muk!” Maarii Yaawe le ye a fo.

Esekiyeli 31:15

Maarii Yaawe ye ñiŋ ne fo ko: “Niŋ a taata laakira, m be sunu baa le laa la a wo jiibuloolu kaŋ, ŋa a wo jiiñaalu suki. Wo jiibuloolu mennu ka bori, ŋa ì bee londi ì kana bori kotenke. Ŋa Libanooninkoolu muuri niŋ niikuyaa la. Wo yiroolu mennu bee be wuloo kono be noro la le, ì la kuwo kamma.

Nahumu 2:2

Ali ye Banisirayila kasaara le, Yaakuba koomalankoolu la bankoo, ali ye ì la wayini* yiroolu kasaara, bari Yaawe* ka naa a la semboo niŋ a la horomoo murundi a kaŋ ne.