Mika 7:6 - Mandinka Bible

⁶ Dinkewo si malubaliyaa a faa la, dimmusoo ye i loo a baa fee, bitammusoo ye i loo a keemaa baa fee. Ali jawoolu mu ali faŋolu bunkononkañoolu le ti.

Mika 7:6 ပူးပေါင်းရင်းမြစ်များ

Luka 12:53

Faa niŋ a dinkewo te beŋ na, aduŋ dinkewo niŋ a faa te beŋ na. Baa niŋ a dimmusoo te beŋ na, aduŋ dimmusoo niŋ a baa te beŋ na. Bitammusu keebaa niŋ a bitammusoo te beŋ na, aduŋ bitammusoo niŋ a bitammusu keebaa te beŋ na.”

Matiyu 10:21

“Baadiŋo be a baadiŋo jamfaa la le ka a faa, faamaa fanaa be a diŋo ke la wo le ñaama. Dindiŋolu be muriti la ì wuluulaalu ma le ka a tinna, ì ye ì faa.

Jabuuroolu 41:9

Hani n teeri kendoo, n laata meŋ na, n niŋ a ka deŋ n na domoroo la, a yelemata n jawoo ti le.

Esekiyeli 22:7

Ite saatewo faŋo kono, moolu ka horomantaŋyaa tiliŋ ì wuluulaalu la, ì ka tumarankewolu nakari ì sotofeŋolu to, aniŋ ì ka tilimbaliyaa tiliŋ aliyatiimoolu niŋ furuyaamusoolu la.

Yohana 13:18

“Nte maŋ tara diyaamu kaŋ alitolu bee la kuwo la. Ŋa mennu tomboŋ, ŋa wolu loŋ ne. Bari ñiŋ keta le, fo Kitaabu Senuŋo si timma, meŋ ko: ‘Ate meŋ niŋ nte denta n na domoroo la, a naata yelema n jawoo le ti.’

Kuma Kotoomaalu 30:11

Doolu be jee le, mennu ka ì faañolu danka, ì buka neema ì baañolu ma.

Luka 21:16

Ì be ali jamfaa la le ka bo niŋ hani ali la wuluulaalu la, baadinkewolu, baadiŋolu aniŋ ali teeroolu. Ì be doolu faa la ali kono le.

Matiyu 26:23

Bituŋ a ye ì jaabi ko, “Meŋ niŋ nte ye m buloo bula booli kiliŋo kono, wo maarii le be n jamfaa la.

Obadiya 1:7

Ali niŋ moolu mennu be diyaariŋ, wolu le be ali neenee la, ì ye ali kelendi. Ali deŋñoolu le be ali bayi la ali la bankoo kaŋ. Ali laata ì la ñaa-wo-ñaa, ì be kutindiŋo le laa la ali ye, ali te meŋ loŋ na.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Kuma Kotoomaalu 30:17

Moo meŋ ka a faamaa ñaawali, aniŋ ka balaŋ a baamaa horoma la, kaanaalu le be a ñaa copiŋ-copiŋ na, aduŋ duwoolu le be a domo la.

2 Samuweli 16:11

Dawuda ko Abisayi niŋ a la dookuulaalu bee ye ko, “M faŋo dinkewo le lafita ka m faa, saayiŋ muŋ ne ye a tinna, ñiŋ Benjamini lasili moo la kuwo be ali jaakali la? Yaawe le ko, a ye dankaroo ke. Wo to ali a bula, a ye a ke.

1 Musa 49:4

I be le komeŋ waamoo, moo te meŋ manankuŋ noo la. Bari i te tara la ñaaboo palaasoo to kotenke. Kaatu i ye laañooyaa tuluŋo ke i faamaa la laaraŋo le kaŋ, i ye n na laaraŋo kosondi.

Yesaya 9:19

Yaawe Alihawaa Maariyo la kamfaa kaŋ, bankoo bee be jani la le, moolu ye ke dimbaa malaraŋo ti. Moo te yamfa la a baadiŋo ye,

Yeremiya 9:4

Wo to moo-wo-moo si i kekuu a siiñoo to, moo kana laa hani a baadiŋ kiliŋ na, kaatu baadiŋo bee, baadiŋ neeneerilaa, moo-wo-moo ka tara a siiñoo tiñaa la taariŋ.

Yesaya 3:5

Moolu be ñoo mantoora la le, moo si boyi a ñoŋ moo kaŋ, siiñoo, a siiñoo kaŋ. Fondinkewolu si i loo alifaalu fee, moo kenseŋolu si jutunnayaa tiliŋ buuñaa moolu la.