Mika 7:19 - Mandinka Bible

¹⁹ I be balafaa soto la ǹ ye le kotenke, i ye ǹ na junuboolu tuutuu, ka ì fayi baa baa duuma.

Mika 7:19 ပူးပေါင်းရင်းမြစ်များ

Yesaya 38:17

Tooñaa, ka dimiŋ baa ñiŋ muña, keta n ye kendeyaa le ti. I ye i la kanoo yitandi n na le, ka n tankandi kasaaroo dinkoo ma. I ye n na junuboolu bee fayi i kooma le.

Yeremiya 50:20

Wo luŋolu la, a waatoo la, moo si Banisirayila la boyidaa ñini le, bari hani kiliŋ, a te a je la, aniŋ Yahuuda la boyidaa, bari hani kiliŋ, a te a je la, kaatu m be yamfa la wo moo toomaalu ye le, ŋa mennu tu baluwo to.” Yaawe le ye a fo.

Roomankoolu 6:14

Junuboo maŋ ñaŋ na ali mara la, kaatu ali maŋ tara luwaa koto, bari hiinoo.

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Jabuuroolu 103:12

Tilibo niŋ tilijii be jamfariŋ ñoo la ñaameŋ a ye ǹ na junuboolu jamfandi ǹ na wo le ñaama.

1 Yohana 3:8

Moo meŋ ka junuboo ke, wo bota Ibiliisa le bala, kaatu Ibiliisa ye junuboo ke le kabiriŋ foloodulaa to. Alla Dinkewo* naata ñiŋ daliiloo le kamma, fo a si Ibiliisa la dookuwo tiñaa.

Roomankoolu 8:13

Kaatu niŋ ali ka baluu ka wo hame kuwolu nooma, ali be faa la le, bari niŋ ali baluuta ka Alla la Nooroo nooma, Nooroo le ka balajaatoo la hame kuwolu kasaara, aduŋ ali be baluu la le.

Hoseya 14:4

Yaawe ko: “M be ì la foroyaabaliyaa bondi la le, n na kanoo te dandulaa soto la ì ye, n na kamfaa bota ì kaŋ ne.

Jabuuroolu 130:8

Ate le be Banisirayila kiisandi la ka bo ì la junuboolu bee kono.

Daniyeli 9:24

“Sanji taŋ woorowula siidulaa woorowula, Alla ye wo le nata i la moolu ye, aniŋ ali la saatee senuŋo. Niŋ wo siita, a be kuu jawu kewo baŋ na le, a ye junuboo daŋ, a ye yamfa hakoolu la. A be tiliŋo le londi la fo abadaa, a ye jeroo niŋ kiilaariyaa kumoo kumfaa, aduŋ a be a la batudulaa senuŋ baa jankundi la le.

Niikuyaa Suukuwolu 3:32

Laa ko, a si niikuyaa saabu ñaa-wo-ñaa, a be balafaa yitandi la le a la kanu bambaloo la waroo kaŋ.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

5 Musa 32:36

Yaawe be a la moolu la kuwo kiitii la le, a be balafaa soto la a la dookuulaalu ye le, niŋ a ye a je, ì semboo banta, moo maŋ tu ì kono, biriŋ a foro fo a joŋ.

5 Musa 30:6

Aduŋ fanaa, a be ali niŋ ali koomalankoolu sondomoolu sunna la le, fo ali si a kanu ali sondomoo bee la aniŋ ali niyo bee la, bituŋ ali si baluu noo.

5 Musa 30:3

Yaawe be balafaa soto la ali ye le, a ye ali murundi naŋ ka bo bankoolu kaŋ, a ye ali janjandi daamennu to. A be ali firindi la le kotenke.

Hiburunkoolu 8:12

M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.”

Yesaya 33:24

Moo te tara la Siyoni meŋ be a fo la ko, “N saasaata le.” Moolu mennu be sabatiriŋ jee, ì la junuboolu be kafari la le.

Yeremiya 33:8

M be ì seneyandi la le ka bo ì la junube kuwolu bee kono, ì ye mennu ke n na. M be yamfa la ì la balaŋo junuboolu bee le la, ì ye mennu tiliŋ n na.

Esekiyeli 18:22

A ye kuu kuruŋolu mennu bee ke, n hakiloo te bula la hani kiliŋ na ì kono. Kaatu a ye kuu tilindiŋolu mennu ke, wo le be a tinna la a ye baluu.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Jakariya 3:4

Mennu be looriŋ a ñaatiliŋo la, malaayikoo ko wolu ye ko, “Ali a la sitifeŋ nooriŋolu wura a la.” A ko Yosuwa ye ko, “A fele, ŋa i la junuboolu bondi, m be feŋ senuŋolu le duŋ na i la.”

2 Samuweli 24:14

Dawuda ko Kadu ye ko, “M be niikuyaa baa le kono. Ŋà duŋ Yaawe buloo kono, kaatu a balafaatiyo warata le. Bari a kana a ke, ŋa duŋ hadamadiŋolu buloolu kono.”

Jabuuroolu 85:3

I ye i la kamfaa daŋ ì kamma le, i ye i la jusukandoo bondi.

Niikuyaa Suukuwolu 3:22

Yaawe la kanu bambaloo nene maŋ kuntu ǹ ye, a la konotodiyaa kuwolu nene buka baŋ.

Esekiyeli 39:29

N te n koo dii la ì la kotenke, kaatu m be n na Nooroo boŋ na Banisirayilankoolu kaŋ ne.” Maarii Yaawe le ye a fo.