Mika 6:13 - Mandinka Bible

¹³ “Ali la junube kuwolu kamma la, ŋa a dati le ka ali halaki busoo la, ŋa ali bula ali ye kasaara.

Mika 6:13 ပူးပေါင်းရင်းမြစ်များ

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Hoseya 13:16

Samariyankoolu be ì la junuboo dunoo taa la le, kaatu ì balanta ì la Alla ma le. Hawusaroo* le be ì faa la, ì ye ì diŋolu busa ka ì janjaŋ bankoo to. Ì la musukonomaalu, ì ye wolu konoolu fara.”

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

Hoseya 5:9

Yankankatoo luŋo la, Efurayimu be ke la tumbuŋo le ti. Banisirayila lasiloolu, ŋa meŋ bankee ali la kuwo to, wo be ke la le.

Niikuyaa Suukuwolu 3:11

Daalaata n na! A ye n cansu n na siloo kaŋ, a ye m fatafata ka n kenseŋo tu jee.

Niikuyaa Suukuwolu 1:13

“Nte Yerusalaamu saatee senuŋo! Yaawe ye dimbaa le kupi n kaŋ, a la janoo dunta fo n kuloo kono. A ye kutindiŋo le laa n ñaato, a ye n yelemandi n koo la, a ye n kenseŋo tu, a ye n tu keturiŋ las.

Yeremiya 14:18

Niŋ m fintita kenoo kono, n ka furewolu le je, ì ye mennu faa hawusaroo la. Niŋ n dunta saatewo kono, n ka konkoo maasiiboo le je. Annabiyomoolu niŋ piriisoolu* ka tara ì la dookuwo la bankoo kaŋ ne taariŋ, bari ì maŋ a loŋ ì ka meŋ ke.”

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

Mika 1:9

Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

Mika 7:13

Bari duniyaa banku koteŋolu si tumbuŋ jee siilaalu la baara kuwo kamma la, ì la baaroo joo be ke la wo le ti.

Niikuyaa Suukuwolu 5:16

Ñaroo jolonta le ka bo ǹ kuŋo to, kooroo boyita ǹ kaŋ, kaatu ŋà junuboo le ke.