Mika 6:1 - Mandinka Bible

¹ Ali i lamoyi kumoo la Yaawe* ye meŋ fo, a ye ñiŋ ne fo n ye ko: “Ali wuli, ali ye ali la kuwo kiitiyo laa konkoolu ñaa koto, konkoriŋolu ye ali la diyaamukaŋo moyi.”

Mika 6:1 ပူးပေါင်းရင်းမြစ်များ

Yeremiya 22:29

Ite bankuŋ, ite bankuŋ, ite bankuŋ, i lamoyi Yaawe la kumoo la!

5 Musa 32:1

Saŋo niŋ bankoo, ali i lamoyi n na, ali ali tuloo loo m fokumoolu la!

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

Esekiyeli 36:1

Yaawe* ko: “Ite hadamadiŋo, kiilaariyaa kumoo fo Banisirayila konkoolu ma ko: Alitolu, Banisirayila konkoolu, ali i lamoyi Yaawe la kumoo la.”

Jabuuroolu 50:4

A ye saŋo niŋ bankoo kumandi le ka ke seedoolu ti, kaatu a ka naa a la moolu kiitindi le.

5 Musa 4:26

Niŋ ali ye wo ke, saŋo niŋ bankoo le mu n seedoo ti bii ko, ali te mee noo la bankoo kaŋ ali ka taa sabati daameŋ, Yoridani Boloŋo la wo kara doo la. Ali muumewo le be kasaara la.

Esekiyeli 36:8

Yaawe ko: “Alitolu Banisirayila konkoolu, ali la yiroolu be buloolu fayi la le ka diŋ n na moolu Banisirayilankoolu ye, kaatu sambii ì be seyi la naŋ suu.

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Luka 19:40

Bari Yeesu ye ì jaabi ko, “Ŋa a fo ali ye, niŋ ñinnu ye i deyi, beroolu faŋolu be wuuri la!”

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Mika 1:4

Konkoolu si yeluŋ a koto, ko niŋ i ye kaañoo laa dimbaa to, aniŋ ko jiyo ka bori jindaa la ñaameŋ, ka wulumbaŋolu fara.

Esekiyeli 37:4

Bituŋ a ko n ye ko: “Kiilaariyaa kumoo fo ñiŋ kulu jaaroolu ye n too la ko: Alitolu kulu jaaroolu, ali i lamoyi nte Yaawe la kumoo la.

Yeremiya 13:15

Ali ali tuloo loo ka i lamoyi, ali kana ali faŋ wara. Yaawe le ye a fo.

Amosi 3:1

Ali i lamoyi alitolu Banisirayilankoolu, alitolu mennu keta moolu ti, Yaawe* ye mennu bondi naŋ Misira bankoo kaŋ. A ye ñiŋ kumakaŋo le fo ali ma, a ko,

1 Samuweli 15:16

Samuweli ko Sawulu ye ko, “I deyi, ŋa a fo i ye, Yaawe ye meŋ fo n ye ñiŋ suuto tambilaa.” Sawulu ko Samuweli ye ko, “A fo n ye.”

1 Samuweli 12:7

Saayiŋ ali loo jaŋ, ŋa a koyindi ali la Yaawe ñaatiliŋo la, aniŋ ka ali hakiloo bulandi, Yaawe ye kuu kendoolu mennu ke ali niŋ ali la alifaa foloolu ye.

Mika 5:15

N jusu kandiriŋo le be bankoolu jarabi la, mennu maŋ n na yaamaroo muta, n kamfaatoo baa le be n joo la ì to.”

Mika 6:2

Ali i lamoyi, alitolu konkoolu, alitolu duniyaa fondamaŋolu mennu be tu la fo abadaa. Ali i lamoyi Yaawe la kiitiyo la, a ye meŋ landi a la moolu kamma, Banisirayilankoolu, a niŋ ì ka taa loo kiitii kenoo le to.

Yesaya 3:13

Yaawe ye a la siiraŋo taa kiitiidulaa to le, aduŋ a pareeta le ka bankoolu kiitindi.

Esekiyeli 6:3

A fo ì ye ko: Ali i lamoyi Maarii Yaawe la kumoo la, a ye meŋ fo ali ma ko: Alitolu Banisirayila konkoolu, konkoriŋolu niŋ konko baalu, woyoolu niŋ wulumbaŋolu, nte Yaawe pareeta le ka ali boyinkaŋ keloo la, ka ali la jalaŋ batudulaa tintiŋolu* bee kasaara.