Mika 5:14 - Mandinka Bible

¹⁴ M be ali la Asera* jalaŋ dokoolu wutu la le, ŋa ali la saatewolu kasaara.

Mika 5:14 ပူးပေါင်းရင်းမြစ်များ

2 Mansoolu 17:10

Ì ye Asera* doko samasiŋolu niŋ beroolu loo ì faŋolu ye, konko jaŋolu bee kaŋ ne, aniŋ yirisuŋ biireeriŋolu bee koto ka ì batu.

Jabuuroolu 149:7

Ì si wo ke ka julujoo taamandi bantalankoolu kaŋ, ka wo moolu jarabi,

Jabuuroolu 149:9

ka kiitiyo taamandi ì kaŋ meŋ safeeta ì la kuwo to. Wo mu Alla la lannamoolu ye horomoo le ti. Ali Yaawe jayi.

2 Musa 34:13

Ali si ì la sadaabodulaalu* janjaŋ, ali ye ì la bere buuñaariŋolu teyiŋ-teyiŋ, aduŋ fanaa, ali si ì la Asera* jalaŋ dokoolu kuntu.

Yesaya 17:8

Ì te ì ñaa loo la sadaabodulaalu* kaŋ, ì faŋo buloolu ye mennu dadaa. Ì te ì ñaa tiliŋ na ì la jalaŋolu la, wo Asera* dokoolu, aniŋ ì la cuuraayi siisindidulaalu, ì faŋolu buloolu ye mennu dadaa.

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Yeremiya 12:17

Bari niŋ banku meŋ maŋ wo muta, m be wo wutu la le ka a kasaara.” Yaawe le ye a fo.

Niikuyaa Suukuwolu 2:2

Balafaabaliyaa niŋ kasaaroo, Maariyo ye wo le laa Yaakuba siidulaalu bee kaŋ. A ye Dimmusuriŋ* Yahuuda boyinkaŋ, a ye a saatee tatariŋolu bee le teyi, a la kamfaa baa kaŋ. A ye a la mansayaa boyindi duuma, aniŋ a maralilaalu, ì niŋ maloo tuta.

Nahumu 1:14

Yaawe ye ñiŋ ne yaamari ite Ninewe la kuwo to ko: “I te koomoo soto la meŋ be i too fintindi la. M be i la jalaŋ leseriŋolu kasaara la le, aniŋ i la nee jalaŋolu ka bo i la jalambuŋo to. Ŋa i la kaburoo parendi i kamma le, kaatu i maŋ jari ka baluu.”