Mika 4:10 - Mandinka Bible

¹⁰ Dimmusuriŋ Siyoni, tu biiña la, tu ŋuntaŋ na, ko niŋ tiŋo be musoo la. Saayiŋ, i si finti ka bo i la saatewo kono, i ye taa, ka daakaa kene kenseŋo kono. I be taa le fo Babiloni. M be tankoo dii la i la jee le, nte Yaawe be i kiisa la i jawoolu ma jee le.”

Mika 4:10 ပူးပေါင်းရင်းမြစ်များ

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Hoseya 2:14

“Bari m be a saba la naŋ ne, ŋa a samba keñewuloo kono, ŋa kuma diimaa fo a ye.

Yesaya 45:13

M be Kirusi parendi la le ka n na tiliŋo taamandi, ŋa a la siloolu bee tembendi. A be n na moolu bondi la mutoo kono le, a ye n na saatewo Yerusalaamu lookuu, bari a te nafaa soto la a to, waraŋ joo.” Yaawe Alihawaa Maariyo* le ye a fo.

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

2 Mansoolu 20:18

I faŋo dinkewo doolu, i ye mennu wuluu, ì be ì samba la le. Ì be ì seenee la le ka ke dookuulaalu ti Babiloni mansa la mansasuwo kono.”

Lankenemoo 12:14

Bari dampaŋ fula le diita musoo ñiŋ na, mennu be ko seeliŋ baa dampaŋolu, fo a si tii noo ka bori wo saa la, ka taa keñewuloo kono. A la tankandiridulaa be jee le to, a be a la daañinoo soto la daameŋ fo sanji saba niŋ talaa.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Yeremiya 15:21

“M be i tankandi la moo kuruŋolu bulu le, ŋa i bondi tilimbaloolu la mutoo kono.”

Jabuuroolu 106:10

A ye ì kiisa ì konnantewolu bulu le, a ye ì tankandi ì jawoolu ma.

2 Taarika 36:20

Mennu kanata hawusaroo ma, a ye wolu samba mutoo kono Babiloni, aduŋ ì keta a niŋ a koomalankoolu la joŋolu ti, fo janniŋ Perisiya mansamarali bankoo be maraloo ke la.

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

2 Mansoolu 25:4

Bituŋ Babiloni kelediŋolu naata saatewo tata sansaŋo teyi. Wo suutoo faŋo le Sedekiya niŋ a la kelediŋolu borita ka kana niŋ dundaŋ daa la, meŋ be mansa kankaŋo daala, ì ye a loŋ ñaa-wo-ñaa ko, Babiloni kelediŋolu tarata muruŋ-murundiŋ saatewo la le. Ì borita niŋ siloo le la, meŋ ka taa Araba* tundoo maafaŋo la.

Yeremiya 29:20

A ko: “Wo to ali i lamoyi nte Yaawe la kumoo la, alitolu mutamoolu, ŋa mennu bayi Yerusalaamu ka taa Babiloni.

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 52:27

Bituŋ Babiloni mansa ye ì faa Ribula saatewo to jee, Hamati bankoo kaŋ. Ì ye Yahuuda moolu bondi ì la bankoo kaŋ wo le ñaama, ì ye ì samba ka tara mutoo kono.

Mika 5:3

Yaawe be a la moolu fili la ì jawoolu bulu le, fo janniŋ ñiŋ maralilaa be wuluu la. Wo le to a baadiŋ toomaalu be naa bo la mutoo kono, ì ye muru ka kafu Banisirayilanka koteŋolu ma.

2 Taarika 36:23

“Perisiya mansa Kirusi le ye ñiŋ fo ko, Yaawe, Arijana Maarii le ye duniyaa mansamarali bankoolu bee duŋ m bulu. Aduŋ a ye n yaamari le ka Batudulaa Buŋo loo a ye Yerusalaamu saatewo kono Yahuuda bankoo kaŋ. Moolu mennu mu a la moolu ti ali kono, Allamaa a ye tara ali fee, aduŋ ali ye siloo soto le ka muru.”

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 13:4

“Wuli, i ye taa Perati Woyoo to, i niŋ kulembeŋo, i ye meŋ saŋ, meŋ be sitiriŋ i tewo la, i ye a maabo berehuwo kono jee.”

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”