Matiyu 7:26 - Mandinka Bible

²⁶ Bari moo-wo-moo meŋ ye n na ñiŋ kumoolu moyi, aduŋ a maŋ ì muta, wo ka munta le ko toolewo, meŋ ye a la buŋo loo keñoo kaŋ.

Matiyu 7:26 ပူးပေါင်းရင်းမြစ်များ

Luka 6:49

Bari moo meŋ ye n na kumoolu moyi, aduŋ a maŋ ì muta, wo ka munta le ko kewo, meŋ ye a la buŋo loo bankoo kaŋ, a maŋ fondamaŋo ke a la. Biriŋ jiiboroo ye a taki, waati kiliŋ, a boyita piram!”

Yeremiya 8:9

Maloo le be laa la wo moo ñaamendiŋolu kaŋ, ì ye jikilateyi ka ì ñankoŋ, bayiri ì ye nte Yaawe la kumoo soosoo le, silaŋ itolu ye muŋ ñaameŋ ne soto kotenke?

Yankuba 2:20

Ite moo kalantaŋo! Fo n ñanta a yitandi la i la le ko, lannoo meŋ maŋ kebaaroolu soto, nafaa te wo la?

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.

Kuma Kotoomaalu 14:1

Musu ñaamendiŋo le ka a la buŋo loo, bari musu kuntaŋo faŋo le ka a taa janjaŋ.

Yuuba 22:16

Ì ye ì ñafu, janniŋ ì la waatoo ka sii, ì ye ì koosa, komeŋ niŋ waamoo ye buŋo fondamaŋo koosa.

Matiyu 7:24

“Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Matiyu 7:25

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, bari hani wo a maŋ boyi, kaatu a be looriŋ beroo le kaŋ.

Matiyu 7:27

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, a naata boyi piram!”