Matiyu 25:37 - Mandinka Bible

³⁷ Bituŋ moo tilindiŋolu si naa a fo a ye ko, ‘M Maarii, waati jumaa le ŋà ite konkotoo je, ŋà domoroo dii i la, waraŋ i mindootoo, ŋà jiyo dii i la?

Matiyu 25:37 ပူးပေါင်းရင်းမြစ်များ

Matiyu 6:3

Bari niŋ i be sadaa bo la, kana soŋ, i maraa buloo ye a loŋ, i bulubaa buloo be meŋ ke kaŋ.

1 Taarika 29:14

“Nte mu jumaa le ti, n na moolu fanaa mu jumaa le ti, ka ñiŋ feŋ siifaa dii noo i la ñiŋ ñaama? Feŋo bee bota naŋ ite le bulu, ŋà feŋ-wo-feŋ dii i la, a bee bota naŋ i buloo le kono.

1 Korintinkoolu 15:10

Bari saayiŋ nte mu meŋ ti, m mu wo le ti ka bo niŋ Alla la hiinoo la. Aduŋ wo hiinoo maŋ ke kuu kenseŋ ti, baawo ŋa dookuwo ke baake le, ka tambi kiilaalu bee la. Bari hani wo, a maŋ ke nte faŋo ti, bari Alla la hiinoo meŋ be m fee.

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

Kuma Kotoomaalu 15:33

Yaawe ñaasilaŋo ka moo karandi ñaameŋo le la, janniŋ moo ka buuñaa soto, fo a ye a fammajii foloo.

Matiyu 5:6

“Barakoo be moolu ye, mennu konkota aniŋ ì mindoota tiliŋo kamma la, kaatu ì be wasa la le.

Matiyu 25:36

N keta bala kenseŋo le ti nuŋ, ali ye duŋ feŋolu dii n na. N saasaata le nuŋ, ali ye n hati. N tarata bunjawoo kono le nuŋ, aduŋ ali naata n kaŋ jee.’

Matiyu 25:38

Waati jumaa le fanaa ite keta luntaŋo ti, aduŋ ŋà ite jiyandi, waraŋ i bala kenseŋo, ŋà duŋ feŋolu dii i la?