Matiyu 25:33 - Mandinka Bible

³³ A be saajiyolu londi la a bulubaa karoo la, baalu ye tara a maraa karoo la.

Matiyu 25:33 ပူးပေါင်းရင်းမြစ်များ

Jabuuroolu 100:3

Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

Jabuuroolu 110:1

Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

Jabuuroolu 45:9

I la musubuŋo kono, mansa doolu dimmusoolu le be jee. I la mansasiiraŋo bulubaa karoo la, maañoo ka tara wo le to, a ye saniforoolu duŋ.

Hiburunkoolu 1:3

Alla la kallankeeyaa* ka je a Dinkewo le kono, a ye Alla mankutoo soto le, aduŋ a ka alihawaa taamandi ka bo niŋ a la kuma sembemaa le la. A la hadamadiŋolu seneyandiri koolaa ì la junuboolu to, a ye a la siidulaa taa Alla Mansa Tallaa bulubaa karoo la, Arijana kono.

Efesusinkoolu 1:20

a ye meŋ dookundi Kiristu kono timmarinke, kabiriŋ a ye a wulindi ka bo saayaa kono, aduŋ a naata a sindi a bulubaa karoo la Arijana kono.

Maaka 16:19

Kabiriŋ Maarii Yeesu ye wo diyaamoo ke ì ye fokabaŋ, a selendita Arijana kono, a siita Alla bulubaa karoo la.

Jabuuroolu 95:7

Kaatu ate le mu ǹ na Alla ti, ntolu mu a la moolu le ti, a ka mennu topatoo, a la saajii koorewolu, a ka mennu kanta. Ali i lamoyi a kaŋo la bii, meŋ ko,

Jabuuroolu 79:13

Wo le to ntolu, i la saajii koorewo, ǹ si i tentu fo abadaa. Ǹ si tu i jayi la ka taa fo jamaani naalaalu la.

1 Mansoolu 2:19

Bituŋ Batiseba taata mansa yaa ka diyaamu a ye Adoniya la kuwo la. Mansa wulita ka a baamaa benduŋ, aduŋ a ñoyita a ye ka a horoma. Bituŋ a siita a la mansasiiraŋo kaŋ, aduŋ ì ye mansasiiraŋ doo samba naŋ a baamaa ye, a siita a kaŋ a bulubaa karoo la.

Kawandilaa 10:2

Moo ñaamendiŋo sondomoo ka a tilindi bulubaa le la, toolewo taa ka a tilindi maraa la.