Matiyu 23:30 - Mandinka Bible

³⁰ Aduŋ ali ka a fo ko, ‘Niŋ ǹ tarata baluuriŋ m̀ mumuñolu la jamaanoo la, ǹ te kafu la ì ma ì la annabiyomoolu faa to.’

Matiyu 23:30 ပူးပေါင်းရင်းမြစ်များ

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

2 Taarika 36:15

Yaawe, ì mumuñolu la Alla tuta annabiyomoolu kii la ì kaŋ ne ka ì dandalaa, kaatu a balafaata ì ye le, aniŋ a Batudulaa Buŋo.

Matiyu 23:29

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka buŋolu loo annabiyomoolu la kaburoolu ye, aniŋ ali ka moo tilindiŋolu la kaburoolu ñarandi.

Matiyu 23:31

Wo to alitolu ye ali faŋolu la kuwolu seedeyaa le ko, alitolu mu wo moolu le lasiloo ti, mennu ye annabiyomoolu faa.

1 Korintinkoolu 10:18

Ali ali hakiloolu bulandi Banisirayilankoolu la kuwo la! Fo moolu mennu ka sadaalu domo, ì maŋ niyo soto sadaajanidulaa* to baŋ?

2 Korintinkoolu 1:7

Ǹ na jikoo be bambandiŋ alitolu la kuwo to le, kaatu ŋà a loŋ ne ko, ali ye ǹ na tooroolu duni ñaameŋ, ali be ǹ na sabarindiroo fanaa taa la wo le ñaama.