Matiyu 21:10 - Mandinka Bible

¹⁰ Kabiriŋ Yeesu dunta Yerusalaamu, saatewo bee le duuta ruk. Moolu be a fo kaŋ ko, “Jumaa le mu ñiŋ ti?”

Matiyu 21:10 ပူးပေါင်းရင်းမြစ်များ

Kiilaalu 9:5

Bituŋ Sawulu ko, “Maariyo, jumaa le mu ite ti?” Kumakaŋo ye a jaabi ko, “Nte le mu Yeesu ti, i ka meŋ toora.

Luka 9:9

Bari Herodi ko, “Ŋa Yaayaa kuŋo kuntu le. Jumaa le duŋ mu ñiŋ kewo ti, n ka meŋ na kuwo moyi teŋ?” Bituŋ a hameta ka a je.

Luka 7:49

Moo doolu mennu niŋ a be taabuloo to, ì ye a dati ka a fo ì faŋolu ye ko, “Jumaa le mu ñiŋ ti, meŋ ka junuboolu yamfa?”

Luka 5:21

Luwaa karammoolu niŋ Farisewolu ye a dati ka a fo ì faŋ ye ko, “Jumaa le mu ñiŋ kewo ti ka Alla tooñeeri kumoo fo? Jumaa le si junuboolu yamfa noo, niŋ a maŋ ke Alla ti?”

Yesaya 63:1

Jumaa le mu ñiŋ ti, meŋ ka bo naŋ Bosira saatewo to Edomu bankoo kaŋ, a la dendikoo bee be tompiŋ-tompindiŋ niŋ feŋ wuleŋo la? Jumaa le mu ñiŋ ti, meŋ ye mansa dendikoo duŋ, a ka taama naŋ niŋ a semboo la? Yaawe* ko: “Nte le mu, n ka diyaamu niŋ tiliŋo siloo le la. Ŋa semboo soto le ka kiisandiroo ke.”

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

1 Samuweli 16:4

Yaawe ye meŋ fo Samuweli ye, a ye wo le ke. Kabiriŋ a futata Betilehemu saatewo to, alifaalu bee jarajaratoo le taata a benduŋ. Ì ye a ñininkaa ko, “Fo i la siloo mu kayira le ti baŋ?”

Ruti 1:19

Bituŋ ì moo fuloo naata taa, fo ì futata Betilehemu. Kabiriŋ ì futata Betilehemu, saatewo bee dunta ñoo to ì la kuwo kamma la. Jee musoolu ko, “Fo ñiŋ si ke noo Nawomi ti baŋ?”

Yohana 2:18

Wo to le Yahuudoolu ko a ye ko, “I si muŋ taamanseeri le yitandi noo ǹ na, meŋ si a yitandi ko, i ye kaŋo soto le ka ñiŋ kuwolu ke?”

Luka 20:2

Ì ko a ye ko, “A fo ǹ ye, ite ka ñiŋ kuwolu ke kaŋo meŋ kaŋ, aniŋ jumaa le ye wo kaŋo dii i la.”

Matiyu 2:3

Kabiriŋ Mansa Herodi ye ñiŋ moyi, a niyo toorata, a niŋ Yerusalaamu bee.

Matiyu 21:9

Aduŋ kafoo mennu be a ñaato, aniŋ mennu be a nooma, wolu be sari kaŋ santo ko, “Hosanna be Dawuda Dinkewo ye. Tenturoo niŋ jayiroo be ate le ye, meŋ ka naa Maariyo too la. Hosanna, fo saŋo santo.”

Matiyu 21:11

Jamaa moolu ye ì jaabi, “Ñiŋ ne mu Yeesu ti, annabiyomoo meŋ bota Nasareti saatewo to, Kalilee tundoo kaŋ.”