Matiyu 18:4 - Mandinka Bible

⁴ Moo-wo-moo meŋ ye a fammajii ko ñiŋ dindiŋo, wo maarii le la kuwo warata moolu bee ti Arijana mansabaayaa kono.

Matiyu 18:4 ပူးပေါင်းရင်းမြစ်များ

Yankuba 4:10

Ali ali fammajii Maariyo ñaatiliŋo la, aduŋ a be ali sikandi la le.

Luka 14:11

Kaatu moo-wo-moo meŋ ye a faŋ sikandi, wo be jindi la le. Aduŋ moo-wo-moo meŋ ye a fammajii, wo be sikandi la le.”

Maaka 10:43

Bari alitolu niŋ ì maŋ ñaŋ na kiliŋ na. Moo-wo-moo meŋ lafita, a la kuwo ye wara alitolu kono, wo ñanta ke la ali la dookuulaa le ti,

Luka 9:48

A ko ì ye ko, “Moo-wo-moo meŋ ye ñiŋ dindiŋo jiyandi n too la, wo ye nte le jiyandi. Aduŋ moo-wo-moo meŋ ye nte jiyandi, a ye wo le jiyandi, meŋ ye nte kii. Moo meŋ na kuwo dooyaata ali bee ti, wo le mu moo ti, meŋ na kuwo warata ali bee ti.”

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

Matiyu 18:1

Wo waatoo la saayiboolu naata Yeesu kaŋ ka a ñininkaa ko, “Jumaa le la kuwo warata Arijana mansabaayaa kono?”

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Matiyu 18:3

A ko ì ye ko, “Tooñaa, m be a fo la ali ye, fo niŋ ali sondomoolu falinta ka ke ko dindiŋolu be ñaameŋ, niŋ wo nte ali te duŋ na Arijana mansabaayaa kono.

Matiyu 18:5

Aduŋ moo-wo-moo meŋ ye ñiŋ ñoŋ dindiŋo jiyandi nte too la, wo ye nte le jiyandi.

Maaka 9:34

Bari ì be deyiriŋ, kaatu ì ye ñoo saba siloo kaŋ ne ko, jumaa le la kuwo warata ka tambi ì bee la.