Matiyu 16:18 - Mandinka Bible

¹⁸ Aduŋ m be a fo la i ye, ite mu Pita le ti. M be n na kafoo loo la ñiŋ beroo le kaŋ, hani saayaa semboo te wo kafoo tiñaa noo la.

Matiyu 16:18 ပူးပေါင်းရင်းမြစ်များ

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Kolosankoolu 1:18

Ate le mu kuŋo ti baloo ye, meŋ mu a la kafoo ti. Ate le mu feŋolu bee foloo ti, ate le foloo wulita ka bo saayaa kono, fo a si ke foloo ti feŋ-wo-feŋ to.

Yohana 1:42

Kabiriŋ a ye a samba naŋ Yeesu kaŋ, Yeesu ye a juubee, a ko a ye ko, “Ite le mu Simoni ti, Yohana dinkewo. Saayiŋ, ite be kumandi la Kefas le la.” Wo mu Pita le ti.

Hiburunkoolu 12:28

Wo kamma la, ali ŋà tenturoo dii Alla la, kaatu ŋà mansayaa le soto, meŋ te jiijandi noo la. Ali ŋà Alla batu a ñaama, horomoo niŋ ñaasilaŋo kono,

Kiilaalu 2:47

Ì ka Alla jayi, aduŋ ì la kuwo diyaata moolu bee ye. Luŋ-wo-luŋ Maariyo ka moolu kafu ì la kafoo ma le, a ye mennu kiisa.

1 Timoti 3:15

fo niŋ m meeta, i si a loŋ, moolu ñanta maa la ñaameŋ Alla la dimbaayaa kono, meŋ mu Alla baluuriŋo la kafoo ti, tooñaa la samasiŋo, aniŋ fondamaŋo.

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Efesusinkoolu 5:32

Kulloo baa be maaboriŋ ñiŋ kumoo kono le, bari ŋa a fahaamu ko, a ka Kiristu niŋ a la kafoo la kuwo le yitandi.

Efesusinkoolu 3:10

Ka bo niŋ wo siloo la, maralilaalu niŋ sembetiyolu mennu be Arijana dinkiraalu to, ì si Alla la ñaameŋo diinoŋolu loŋ ka bo niŋ Yeesu la kafoo la.

Kuma Kotoomaalu 24:7

Ñaameŋo la kuwo warabaata toolewo ye le, saatee beŋo to, a buka feŋ soto, a be meŋ fo la.

Yuuba 38:17

I nene ka laakira dundaŋ daa je le baŋ, daameŋ ka tara dibiriŋ ne fo fawu?

Lankenemoo 21:14

Saatewo ñiŋ tata sansaŋo ye fondamaŋ taŋ niŋ fula le soto, aduŋ Saajiiriŋo la kiilaa* taŋ niŋ fuloo le toolu be safeeriŋ wolu kaŋ, fondamaŋ-wo-fondamaŋ niŋ a too le mu.

Kiilaalu 8:1

Sawulu fanaa ye Stifeni faa muta kuu betoo le ti. Wo luŋ kiliŋo la toora baa laata Yeesu la kafoo moolu kaŋ Yerusalaamu. Wo ye a tinna, ì bee janjanta Yudeya niŋ Samariya tundoolu kaŋ taariŋ fo kiilaalu* doroŋ.

Jabuuroolu 9:13

Hee Yaawe, balafaa n ye. A juubee mennu ye n koŋ, ì ye n toorandi ñaameŋ, ite meŋ ka m bondi saayaa daa to,

1 Timoti 3:5

Niŋ meŋ maŋ a faŋo la dimbaayaalu mara noo, a be Alla la kafoo topatoo noo la ñaadii le?

Kalatiyankoolu 2:9

Biriŋ Yankuba, Kefas aniŋ Yohana mennu mu samasiŋolu ti Yeesu la kafoo kono, ye hiinoo je, Alla ye meŋ dii n na ka n ke kiilaa* ti, ì naata ì buloo dii n niŋ Barinabas la. Ñiŋ ye ǹ na kafuñooyaa le yitandi ko, ntolu si taa moolu yaa, mennu maŋ ke Yahuudoolu ti, itolu ye taa Yahuudoolu yaa.

Matiyu 18:17

Niŋ a balanta ka i lamoyi wolu la, a kuwo samba lannamoolu la kafoo to. Aduŋ niŋ a balanta ka i lamoyi hani lannamoolu la kafoo la, a muta ko jaahiloo waraŋ duwaañi jenkeriŋo.

Matiyu 11:23

Aduŋ alitolu Kapanawumunkoolu, fo alitolu be duŋ na Arijana kono le baŋ? Hanii, alitolu be fayi la Jahannaba le kono, kaatu kaawakuwolu mennu keta nuŋ alitolu yaa, niŋ a ye a tara, wolu keta nuŋ Sodomu le, tennuŋ a be tara la looriŋ ne fo bii.

Matiyu 10:2

Wo kiilaa* taŋ niŋ fuloo toolu mu ñinnu le ti: Foloo-foloo, Simoni, ì ka meŋ kumandi Pita la, a baadiŋo Anduru, aniŋ Yankuba meŋ mu Sebede dinkewo ti, aniŋ a baadiŋo Yohana,

Jabuuroolu 69:12

Ì ye n ke kacaaraŋo le ti saatewo dundaŋ daa* to, aduŋ dolominnaalu ka denkiloolu laa le ka n teeliŋ.

1 Musa 22:17

m be neema la i ma, aduŋ m be i koomalankoolu siyandi la komeŋ looloolu, aniŋ komeŋ bankumunkoo, aduŋ i koomalankoolu be ì jawoolu noo la le.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

1 Korintinkoolu 15:55

“Saayaa, i la nooroo be mintoo le? Saayaa, i beñoo be mintoo le?”

Yesaya 38:10

Ŋa ñiŋ ne miira m faŋ ma ko, m be n taŋ niŋ fula waatoo meŋ na, saayaa be n na daa konkoŋ na le, ka n na baluwo toomaa bee buusi m bulu.

Yesaya 28:6

A be tiliŋo dii la kiitiikuntulaa la le, ka semboo dii moolu la, mennu ka saatee dundaŋ daa tanka keloo ma.

Jabuuroolu 107:18

Ì ka ñewuŋ domoroo faŋo la le, aduŋ ì tarata saayaa le daa to.

2 Samuweli 18:4

Mansa ye ì jaabi ko, “Feŋ-wo-feŋ beteyaata ali fee, m be wo le ke la.” Wo to le mansa loota saatee dundaŋ daa daala, kabiriŋ kewolu ka finti niŋ wuli kiliŋolu niŋ kemoolu la.

Jabuuroolu 127:5

Seewoo be kewo le ye, meŋ ye wo ñoŋ jamaa soto. A te malu la, niŋ a niŋ a jawoolu benta kiitiikuntu dulaa saatewo dundaŋ daa* to.

Jabuuroolu 129:2

Ì ye ntolu toorandi baake le, biriŋ m̀ foloodulaa, hani wo ì maŋ i kutu ǹ na de.

Yunusa 2:6

N taata fo baa duumoo to, n dunta banku le to, meŋ bundaalu ka tu sorondiŋ fo abadaa. Bari ite, hee Yaawe m Maariyo i ye m bondi naŋ ñiŋ diinoŋo to le, m baluuta.

Matiyu 4:18

Kabiriŋ Yeesu be taama kaŋ Kalilee Baa daala, a ye kee fula je, Simoni, ì ka meŋ kumandi Pita la, aniŋ Anduru, a baadiŋo. Ì be jalafayoo le la baa kono, kaatu ì mu ñeemutalaalu le ti.

Matiyu 7:24

“Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Kiilaalu 20:28

“Ali ali hakiloo tu ali faŋolu to, aniŋ Yeesu la kafoo bee, Noora Kuliŋo ye ali ke topatoorilaalu ti mennu kono. Ali si Maariyo la koorewo kanta, Alla ye meŋ saŋ a faŋo Dinkewo yeloo la.