Maaka 4:29 - Mandinka Bible

²⁹ Bari niŋ kesoo moota, jee niŋ jee, a si worotoo taa, kaatu katiri waatoo siita le.”

Maaka 4:29 ပူးပေါင်းရင်းမြစ်များ

Yoweli 3:13

Ali worotoolu sika ì kamma, katiri waatoo siita le. Ali ye ì dori ko wayini* yiridiŋolu, kaatu doridulaa faata le tep, yiridiŋ jiyo siyaata le fo a ka boŋ, ì la kuruŋyaa siyaata teŋ ne.”

Matiyu 13:30

Ali ì bee bula, ì ye meŋ ñoo la fo katiri waatoo. Katiri waatoo la, m be a fo la katirilaalu ye le, ì si ñaamoolu foloo kafu ñoo ma, ì ye ì siti ka ì jani. Bari ì si siimaŋo kafu ñoo ma n na buntuŋo kono.’ ”

Yuuba 5:26

I be faa la i kotooriŋo le la, komeŋ siimaŋ muroo ka kati siimaŋ kaloo bala ñaameŋ, niŋ a moo waatoo siita.

Maaka 4:28

Bankoo faŋo le ka fiifeŋ kesoolu falindi. Jamboo le foloo ka finti, bituŋ tinsoo si naa finti, kesoo si naa ke tinsoo bala.

Lankenemoo 14:18

Wo to le malaayika doo naata ka bo sadaajanidulaa* to. Dimbaa semboo karafata wo le ma. Bituŋ a sarita niŋ sari baa la ka wo doo kumandi, meŋ ye woroto daa diimaa soto. A ko a ye ko, “I la worotoo taa, i ye duniyaa wo wayini* yiridiŋ ñatoolu kafu ñoo ma, kaatu ì diŋolu moota katiroo ye le.”