Maaka 2:24 - Mandinka Bible

²⁴ Bituŋ Farisewo doolu ko a ye ko, “A juubee, muŋ ne ye a tinna i la saayiboolu ka kuwo ke, Luwaa ye meŋ haraamuyandi ka a ke Loobula Luŋo la?”

Maaka 2:24 ပူးပေါင်းရင်းမြစ်များ

2 Musa 20:10

bari tili woorowulanjaŋ luŋo, wo mu Loobula Luŋo le ti, nte Yaawe la kuwo kamma la. Wo luŋo, ali kana dookuu-wo-dookuu ke, ali faŋolu, ali dimmusoolu, ali dinkewolu, ali la jommusoolu, ali la jonkewolu, ali la beeyaŋolu, waraŋ tumarankewolu, mennu be sabatiriŋ ali fee.

Hiburunkoolu 12:3

Ali i miira ate la, meŋ ye wo ñoŋ kuwolu muña junubelaalu bulu, mennu ye a koŋ. Wo siloo la ali te bataa la, waraŋ ka jikilateyi.

Matiyu 12:2

Farisee doolu ye wo je, ì ko a ye ko, “A juubee, i la saayiboolu ka kuwo ke, Luwaa ye meŋ haraamuyandi ka a ke Loobula Luŋo la!”

Maaka 2:16

Kabiriŋ Luwaa karammoolu mennu mu Farisewolu* ti, ye ñiŋ je, ì ko Yeesu la saayiboolu ye ko, “Muŋ ne ye a tinna ate niŋ duwaañoolu niŋ junubelaalu ka domoroo ke ñoo kaŋ?”

Maaka 2:7

“Muŋ ne ye a tinna ñiŋ kewo ka diyaamu teŋ? A ka tooñeeri kumoolu le fo! Jumaa le si yamfa noo junuboolu la, niŋ a maŋ ke Alla ti?”

Yesaya 58:13

“Ali kana jutu Loobula Luŋo la, ka bula ali la niidiyaa nooma, n na ñiŋ luŋ buuñaariŋo la. Ali ñiŋ luŋo kumandi kontaani luŋo la, aniŋ luŋ buuñaariŋo. Ali si ñiŋ luŋo muta ka a buuñaa, ali kana bula ali fansuŋ siloo nooma, ka ali fansuŋ nafaa kuwo taamandi, waraŋ ka kuma kenseŋo fo.

Yesaya 56:6

Luntaŋolu mennu ye ì faŋo kafundi n na moolu ma, ka dookuwo ke n ye, ka n too kanu, ka m batu, aniŋ mennu ka Loobula Luŋo horoma, ì buka a dooyandi, ì ka n na kambeŋo muta bambandinke,

Yesaya 56:4

Kaatu Yaawe ye ñiŋ ne fo ko: “M be seenewolu le la, mennu ka n na Loobula Luŋolu horoma, ka kuwolu baara, n lafita mennu la aniŋ ka n na kambeŋo muta bambandinke.

Yesaya 56:2

Seewoo be moo ye, meŋ ye ñiŋ ke, a ye a muta bambandinke, ka Loobula Luŋo horoma, a buka a dooyandi, aduŋ a ka tu jamfa la kuu jawu kewo la.”

2 Musa 31:15

Ali si dookuwo ke fo tili wooro, bari tili woorowulanjaŋ luŋo wo mu Loobula Luŋo le ti, luŋ buuñaariŋo nte Yaawe ye. Moo-wo-moo ye dookuwo ke Loobula Luŋo la, ali ñanta a maarii faa la le.

Maaka 2:25

Wo to le Yeesu ko ì ye ko, “Fo ali nene maŋ a karaŋ, Mansa Dawuda ye meŋ ke, kabiriŋ a be suuloo kono, aduŋ konkoo ye a muta, a niŋ a taañoolu?