Maaka 2:17 - Mandinka Bible

¹⁷ Kabiriŋ Yeesu ye wo moyi, a ko ì ye ko, “Moo kendeyaariŋolu maŋ suula jaaralilaa la, bari mennu kuuranta. Nte maŋ naa ka moo tilindiŋolu kumandi, bari junubelaalu.”

Maaka 2:17 ပူးပေါင်းရင်းမြစ်များ

Luka 15:7

“Ŋa a fo ali ye, wo ñaa kiliŋo la seewoo be wara la Arijana kono le junubelaa kiliŋ na tuuboo la ka tambi moo tilindiŋ taŋ kononto niŋ konontoo la, mennu maŋ suula tuuboo la.

Luka 19:10

Moo Dinkewo* naata le ka moo filiriŋolu ñini, aniŋ ka ì kiisa.”

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yohana 9:40

Farisewolu doolu, mennu tarata jee, ì ye wo kumoolu moyi. Ì ko a ye ko, “Fo ite lafita a fo la le ko, m̀ fanaa finkita le baŋ?”

Luka 15:10

“Ŋa a fo ali ye, wo ñaa kiliŋo la seewoo be Alla la malaayikoolu fee le junubelaa kiliŋ na tuuboo la.”

Luka 15:29

Bituŋ a ye a faamaa jaabi ko, ‘A fele, nte tuta dookuwo la i ye ñiŋ sanji jamaa. N nene maŋ sawuŋ i la yaamaroo la, bari i nene maŋ hani baariŋo faŋo le dii n na, n niŋ n teerimaalu ye faŋ seewondi a la.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Yesaya 1:18

Yaawe ko, “Ali naa saayiŋ, ŋà kuwo fo ñoo kaŋ. Ali la junuboolu finta le ko kemboo, bari ì be koyi la le ko perekaanoo. Hani a ye a tara ì be findiŋ ne nir, ì be koyi la le ko kotondi buunaa.

Kiilaalu 20:21

Ŋa dandalaaroo ke koyirinke Yahuudoolu niŋ Jirisinkoolu la le ko, ì ye tuubi ka bula Alla nooma, aniŋ ì ye laa ǹ na Maarii Yeesu Kiristu* la.

Luka 16:15

Wo to le Yeesu ko ì ye ko, “Alitolu le mu wo moolu ti, mennu ka ì faŋolu tilindi moolu ñaa la, bari Alla ye ali sondomoolu kono loŋ ne. Kaatu feŋo meŋ kummaayaata moolu fee, a mu feŋ jawoo le ti, Alla ye meŋ koŋ.

Matiyu 18:10

“Ali ali hakiloo tu, ali kana jutu ñiŋ domandiŋolu hani kiliŋ na. Ŋa a fo ali ye, ì la malaayikoolu ka tara m Faamaa ñaatiliŋo la le doroŋ, meŋ be Arijana.

Kiilaalu 26:20

Folooto, ŋa kawandoo ke wo moolu le ye, mennu be Damasiku jee, bituŋ Yerusalaamu, Yudeya, aniŋ moolu fanaa ye, mennu maŋ ke Yahuudoolu ti. N ko ì ye ko, ì si ì koo dii ì la junuboolu la ka naa Alla kaŋ, aduŋ ì si ì la tuuboo yitandi ì la kebaaroolu kono.

Yohana 9:34

Ì ye a jaabi ko, “Ite wuluuta junuboo le kono, i lafita ka ntolu karandi!” Bituŋ ì ye a bayi.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?