Maaka 15:32 - Mandinka Bible

³² Alimasiihu* Banisirayilankoolu la mansakewo, a ye jii naŋ yiribantambiloo kaŋ saayiŋ, fo ǹ si a je aniŋ ŋà laa a la.” Aduŋ ì ye a niŋ moo fuloo mennu pempeŋ, wolu fanaa ye a neŋ ne.

Maaka 15:32 ပူးပေါင်းရင်းမြစ်များ

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Matiyu 1:17

Bituŋ, ka bo Iburayima jamaanoo la ka taa Dawuda jamaanoo kaŋ, wo kaañanta jamaani taŋ niŋ naani le fee. Ka bo Dawuda jamaanoo la ka taa jamaanoo meŋ na, ì taata mutoo kono Babiloni, wo fanaa mu jamaani taŋ niŋ naani le ti. Aduŋ ka bo ì la mutoo la ka naa Kiristu la waatoo la, wo fanaa taata kaañaŋ jamaani taŋ niŋ naani le fee.

Matiyu 27:42

“A ye moo koteŋolu tankandi le, bari a maŋ a faŋo tankandi noo! Ate le mu Banisirayila la mansakewo ti! Wo to a ye jii naŋ yiribantambiloo kaŋ saayiŋ, ǹ si naa laa a la!

Matiyu 27:44

Hani bandiyolu, ì ye a niŋ mennu pempeŋ, wolu fanaa ye a neŋ wo le ñaama.

Maaka 15:26

Ka a la saayaa daliiloo safee a kunto, ì ye ñiŋ ne safee ko: “Yahuudoolu la mansakewo.”

Maaka 15:27

Ì ye Yeesu niŋ bandii fula le pempeŋ ñoo la, doo be a bulubaa karoo la, doo be a maraa karoo la.

Yohana 1:49

Bituŋ Nataniyel ko a ye ko, “Karammoo, ite mu Alla Dinkewo le ti! Ite le mu Banisirayila la Mansakewo ti!”

Yohana 12:13

Bituŋ ì ye tamaree buloolu taa, ì taata ka a benduŋ. Ì be sari kaŋ ko: “Hosanna! Tenturoo niŋ jayiroo be ate le ye, meŋ ka naa Maariyo too la! Tenturoo niŋ jayiroo be Banisirayila la mansakewo ye!”

Roomankoolu 3:3

Saayiŋ duŋ, niŋ doolu maŋ foroyaa Alla ye, fo ì la kuwo si Alla la foroyaa tiñaa noo le baŋ?

2 Timoti 2:18

mennu jenketa tooñaa siloo la. Ì ko, saayaakoolaa wulindiroo keta le fokabaŋ. Ì la wo karandiroo be baadiŋ doolu la lannoo kasaara kaŋ ne.