Maaka 15:26 - Mandinka Bible

²⁶ Ka a la saayaa daliiloo safee a kunto, ì ye ñiŋ ne safee ko: “Yahuudoolu la mansakewo.”

Maaka 15:26 ပူးပေါင်းရင်းမြစ်များ

Matiyu 27:37

Ka a la saayaa daliiloo safee a kunto, ì ye ñiŋ ne safee ko, “Ñiŋ ne mu Yeesu ti, Yahuudoolu la mansakewo.”

Matiyu 2:2

Ì ko, “Yahuudoolu la mansakewo meŋ wuluuta, a be mintoo le? Ŋà a la looloo je tiliboo la le, aduŋ ǹ naata le ka a batu.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Maaka 15:2

Wo ye Yeesu ñininkaa ko, “Fo ite le mu Yahuudoolu la mansakewo ti baŋ?” Yeesu ye a jaabi ko, “Ite le ye a fo de.”

Yesaya 10:7

Bari ñiŋ maŋ ke kuu ti, ate mansa ye meŋ ŋaniya, aduŋ ñiŋ maŋ tara a hakiloo kono. A hamoo mu ñiŋ ne ti, ka banku jamaa kasaara, ka ì la kuwo daŋ.

Kuma Kotoomaalu 21:1

Mansa sondomoo la kuwo be Yaawe* le bulu, a ka a taamandi le ko jiiboroo, daa-wo-daa diyaata a ye, a ka a tilindi jee le to.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Yesaya 46:10

“Kuwolu koolaa be ke la meŋ ti, ŋa a fo ali ye le kabiriŋ. Koomanto ŋa a fo ali ye le, meŋ be naa ke la. N ko, n na feeroolu te tiñaa la, n lafita feŋ-wo-feŋ na, m be wo le ke la.

5 Musa 23:5

Bari Yaawe ali la Alla maŋ naa i lamoyi Balaamu la. A ye a la dankaroo yelemandi ka a ke ali ye neemoo ti kaatu a ye ali kanu le.

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Maaka 15:27

Ì ye Yeesu niŋ bandii fula le pempeŋ ñoo la, doo be a bulubaa karoo la, doo be a maraa karoo la.

Maaka 15:32

Alimasiihu* Banisirayilankoolu la mansakewo, a ye jii naŋ yiribantambiloo kaŋ saayiŋ, fo ǹ si a je aniŋ ŋà laa a la.” Aduŋ ì ye a niŋ moo fuloo mennu pempeŋ, wolu fanaa ye a neŋ ne.