Maaka 13:36 - Mandinka Bible

³⁶ Ali ye koroosiroo ke, fo a kana ali tereŋ ka ali tara siinoo la.

Maaka 13:36 ပူးပေါင်းရင်းမြစ်များ

Maaka 14:40

A muruta naŋ kotenke, a ye ì tara siinoo la, kaatu ì ñaalu kuliyaata nuŋ baake le. Aduŋ ì maŋ a loŋ, ì be Yeesu jaabi la ñaameŋ.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

Matiyu 25:5

Baawo wo maañootiyo tarideeta le, ì bee jinkoota. Bituŋ ì ye a dati ka siinoo.

Maaka 14:37

Wo koolaa a muruta, a ye saayiboolu tara siinoo la. A ko Pita ye ko, “Simoni, i be siinoo le la baŋ? Fo i te tara noo la i ñaa la hani waati kiliŋ na baŋ?

Yesaya 56:10

Banisirayila la ñaatonkoolu finkita le, ì bee maŋ londi soto, ì keta wulu mumunewolu ti, ì buka hawuroo ke noo. Ì ka tu laariŋ ne doroŋ aniŋ ka siiboo, siinoo diyaata ì ye le.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Luka 22:45

Kabiriŋ Yeesu wulita a la duwaa dulaa to, a muruta saayiboolu kaŋ. A ye ì tara siinoo la, ì la niikuyaa kamma la.

Suukuwo 5:2

M be siinoo kaŋ, bari n hakiloo maŋ tenkuŋ. I lamoyi baŋ, n jusukuŋo le be konkondiroo la. Kewo ko: M baarimmusu, n kanuntewo, bundaa yele n ye, n na puraariŋo, n na musu timmariŋo. N kuŋo bee sinanta tuutuwo la le, suuto komboo ye n kuntiñoo bee sinandi. Musoo ko:

Suukuwo 3:1

M be laariŋ n na laaraŋo kaŋ suutoo, ŋa moomooroo ke ka n kanuntewo ñini, n niyo ye meŋ kanu, ŋa a ñini, bari m maŋ a je.