Maaka 12:24 - Mandinka Bible

²⁴ Yeesu ko ì ye ko, “Fo ñiŋ ne maŋ a tinna, ali filita baŋ, kaatu ali maŋ Kitaabu Senuŋolu loŋ sako Alla la semboo?

Maaka 12:24 ပူးပေါင်းရင်းမြစ်များ

Yohana 20:9

Hani wo, ì maŋ Kitaabu Senuŋo fahaamu noo foloo ko, Yeesu ñanta wuli la le ka bo saayaa kono.

Matiyu 22:29

Yeesu ye ì jaabi ko, “Ali filita le, kaatu ali maŋ Kitaabu Senuŋolu loŋ sako Alla la semboo.

Efesusinkoolu 1:19

Allamaa ali ye Alla la sembe baa kataŋo fanaa loŋ, meŋ be ntolu lannamoolu ye. Alla ka dookuwo ke ǹ kono a la wo sembe baa le la,

Filipinkoolu 3:21

M̀ balajaata lamfuriŋolu mennu ñanta faa la, ate le be ì ke la balajaatoolu ti, mennu be kallankeeyaa* la ko a faŋo baloo be ñaameŋ. A be wo ke la niŋ semboo le la, semboo meŋ ye a tinna, a ye alihawaa bee ke noo a la maraloo koto.

Roomankoolu 15:4

Feŋ-wo-feŋ meŋ safeeta koomanto, wo safeeta le ka ke ǹ ye yaamaroo ti, fo ǹ si jikoo soto ka bo niŋ muñoo niŋ wakiilindiroo la, Kitaabu Senuŋolu ye mennu dii ǹ na.

Kiilaalu 17:11

Bereya Yahuudoolu le daajikoo beteyaata Tesalonika Yahuudoolu ti, kaatu ì ye ñiŋ kumoo muta niŋ hame baa le la. Luŋ-wo-luŋ ì ka a kisikisi le, fo ñiŋ kumoo niŋ Kitaabu Senuŋolu taata ñoo la le.

Maaka 10:27

Yeesu ye ì juubee, a ko ì ye ko, “Hadamadiŋolu fee, wo te ke noo la, bari Alla fee, a be ke noo la le, kaatu Alla le ka feŋ-wo-feŋ ke noo.”

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Yeremiya 32:17

Hee Yaawe Alla, ite le ye saŋo niŋ bankoo daa ka bo niŋ i la sembe baa la, aduŋ i ye a ke niŋ i bulu sembemaa le la. Feŋ maŋ koleyaa ite fee.

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yohana 5:39

“Ali ka Kitaabu Senuŋolu kisikisi le, kaatu ali ye a miira le ko, ali ye badaa-badaa baluwo soto wolu le kono. Wolu faŋo le ye n na kuwo seedeyaa.

Luka 1:37

Feŋ te jee, Alla te meŋ ke noo la.”

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Hoseya 6:6

N lafita kanu bambaloo le la, a maŋ ke beeyaŋ sadaa* ti, Alla loŋo diina jani sadaa ti.

Yesaya 26:19

Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

1 Musa 18:14

Fo kaawakuu le sotota, Yaawe korita meŋ na baŋ? M be muru la naŋ i kaŋ jaari ñiŋ ñoŋ waatoo, aduŋ Saara be dinkewo soto la.”

Hoseya 8:12

Ŋa yaamari jamaa le safee ì ye, bari ì maŋ a muta feŋ ti.

Maaka 12:23

Saayiŋ, saayaakoolaa wulindiroo luŋo la, jumaa le la musoo be ke la a ti? Baawo woorowuloo bee ye a futuu le!”

Maaka 12:25

Kaatu niŋ ì wulita saayaa kono, ì te futuu la, sako ka moo futundi, bari ì be muluŋ na le ko malaayikoolu Arijana kono.