Maaka 1:17 - Mandinka Bible

¹⁷ Bituŋ a ko ì ye ko, “Ali n nooma, aduŋ m be ali ke la moomutalaalu le ti.”

Maaka 1:17 ပူးပေါင်းရင်းမြစ်များ

Luka 5:10

Yankuba niŋ Yohana, Sebede dinkewolu, mennu mu Simoni mooñoolu ti, ì fanaa jaakalita. Wo to le Yeesu ko Simoni ye ko, “Kana sila. Ka bo saayiŋ na, i be ke la moomutalaa le ti.”

Esekiyeli 47:10

Ka bo naŋ Eni-Kedi ka taa fo Eni-Ekilayimu, jalafayilaalu be loo la baa kankuŋo la le ka jaloo fayi, aduŋ ì be ì la jaloolu jaa la jee le to. Kaatu ñee siifaa jamaa le be tara la wo baa kono, ko a be Baa Baa* kono ñaameŋ.

Maaka 1:16

Kabiriŋ Yeesu be tambi kaŋ Kalilee Baa daala, a ye Simoni aniŋ Anduru je, meŋ mu Simoni baadiŋo ti. Ì be jalafayoo le la baa kono, kaatu ì mu ñeemutalaalu le ti.

Maaka 1:18

Wo loodulaa to doroŋ, ì ye ì la jaloolu bula jee ka a nooma.