Luka 8:40 - Mandinka Bible

⁴⁰ Kabiriŋ Yeesu muruta, moo jamaa ye a benduŋ, kaatu ì bee le be a batu kaŋ nuŋ.

Luka 8:40 ပူးပေါင်းရင်းမြစ်များ

Maaka 5:21

Kabiriŋ Yeesu ye baa teyi kotenke, kafu baa naata a kaŋ baa daala.

Matiyu 9:1

Wo to le Yeesu dunta kuluŋo kono, a teyita ka taa baa kara doo la. A naata a fansuŋ saatewo to.

Maaka 6:20

kaatu Herodi silata Yaayaa la le. A ye a loŋ ne ko, Yaayaa mu moo tilindiŋo le ti, aniŋ moo senuŋo. Wo kamma la a ye Yaayaa tu mutoo kono. Niŋ Herodi ye i lamoyi Yaayaa la, a niyo ka toora baake le, bari hani wo, a ka lafi ka a lamoyi.

Kiilaalu 10:33

Wo le ye a tinna ŋa kiilaalu kii i kaŋ wo loodulaa to, aduŋ i la naa keta kuu bete baa le ti. Saayiŋ, ntolu bee be jaŋ Alla ñaatiliŋo la ka kumoolu bee moyi, Alla ye i yaamari ka mennu fo.”

Yohana 5:35

Yaayaa mulunta le ko lampoo meŋ ka mala, aniŋ a ka dulaa fanundi. Ali la lafoo kaŋ, ali seewootoo tarata jee le fo waati dantaŋ.

Luka 19:48

Hani wo, ì maŋ siloo soto noo ka a ke, kaatu moolu bee be i lamoyi kaŋ kendeke a la kumoolu la le.

Luka 19:6

Bituŋ a ye i tariyaa, a jiita duuma. A ye a jiyaa seewoo kono.

Luka 5:1

Luŋ doo le la, Yeesu be looriŋ Kennesareti Baa daala, moolu tarata ñoo ñoroo la a kaŋ fo ì si Alla la kumoo moyi.

Maaka 12:37

“Dawuda faŋo ye a kumandi a Maariyo la. Wo to a si ke noo a dinkewo ti ñaadii le?” Wo kafu baa ye Yeesu lamoyi jusulaa le kono.

Kuma Kotoomaalu 8:34

Seewoo be moo ye, meŋ ka i lamoyi n na, aniŋ meŋ ka m fintitoo kanta luŋ-wo-luŋ, a ka n duntoo batu.

Luka 8:39

“Taa i la suwo kono, i ye a fo, Alla ye kuu baa meŋ ke i ye.” Wo to le kewo taata, a ye a fo saatewo bee kono, Yeesu ye kuu baa meŋ ke a ye.