Luka 24:32 - Mandinka Bible

³² Bituŋ ì ko ñoo ye ko, “Fo a maŋ ke ǹ ye kaawakuwo ti baŋ, biriŋ a be diyaamoo la ǹ ye siloo kaŋ, aduŋ a ye Kitaabu Senuŋo kotoo fo ǹ ye?”

Luka 24:32 ပူးပေါင်းရင်းမြစ်များ

Jabuuroolu 104:34

Allamaa n na miiroo ye Yaawe kontaani, kaatu a la kuwo le ka n seewondi.

Jabuuroolu 39:3

N jusoo kono ka munta le ko, dimbaa le be jee. N na miiroolu ye n konotoo kandindi le wit. Bituŋ n diyaamuta, n ko:

Kuma Kotoomaalu 27:17

Ko newolu ka ñoo diyaa ñaameŋ, teeroolu ka ñoo so hakiloo la wo le ñaama.

Kuma Kotoomaalu 27:9

Karabaanijiyo niŋ cuuraayoo ka niyo seewondi le, teeriyaa fanaa diyaa mu ñoo yaamaroo le ti.

Yesaya 50:4

Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Yeremiya 15:16

Ŋa i la kumoo kiliŋ-kiliŋ tomboŋ ne, ŋa a ke ko n na domoroo, aduŋ i la kumakaŋolu keta n ye seewoo le ti, aniŋ jusulaa. Hee Yaawe Alihawaa Maariyo*, i tooyaa le be n kunna.

Yeremiya 20:9

Bari niŋ n kumata ko, n te i la kuma fo la kotenke, waraŋ ka diyaamu i tooyaa la, i la kumoo ka ke n jusoo kono le ko dimbaa, ko dimbaa meŋ be fo n jusoo kono. M bataata n deyi la a kaŋ ne, n te wo noo la faŋ.

Yeremiya 23:29

“Nte la kumoo ka munta le ko dimbaa, aduŋ a ka munta le fanaa ko maritoo, meŋ ka bere baa busa ka a janjaŋ.” Yaawe le ye a fo.

Maaka 4:34

A maŋ feŋ fo ì ye, meŋ maŋ ke mansaaloo ti. Bari niŋ a niŋ a fansuŋ saayiboolu dammaa be daameŋ, a ka kumoolu bee le firiŋ wolu ye.

Luka 24:45

Bituŋ a ye ì sondomoolu yele ka Alla la kumoo fahaamu,

Yohana 6:63

Nooroo le ka baluwo dii, bari balajaatoo maŋ tinee soto. Ŋa kumoolu mennu fo ali ye, wolu mu nooroo le ti aniŋ baluwo.

Kiilaalu 28:23

Kabiriŋ ì ye luŋo londi Pawulu ye, moo jamaa naata a la sabatidulaa to wo luŋo la. Bituŋ a ye seedeyaa ke ì ye Alla la mansabaayaa la kuwo to, a ye a fataŋ-fansi ì ye ka bo soomandaa la ka taa fo wulaaroo. A ye a kata ka ì sondi Yeesu la kuwo la, a ka a yitandi ì la Musa la Luwaa* niŋ annabiyomu doolu la kitaaboolu kono.

Hiburunkoolu 4:12

Alla la kumoo be baluuriŋ ne, a nene buka lamfu. A diyaata le ka tambi hawusari* daa fuloo bee la. A ka duŋ konoto le ka sondomoo niŋ nooroo talaa, a ka cokoo niŋ yuwo bondi ñoo bala le, aduŋ a ka miiroolu niŋ feeroolu kiitindi le, mennu be maaboriŋ sondomoo kono.