Luka 22:63 - Mandinka Bible

⁶³ Yeesu be mutariŋ kewolu mennu bulu, ì ye a ñaawali, aduŋ ì ye a buutee.

Luka 22:63 ပူးပေါင်းရင်းမြစ်များ

Yohana 18:22

Kabiriŋ Yeesu ye ñiŋ kumoolu fo, kantarilaa doo meŋ be looriŋ a daala, ye a lipa a ñaadaa to. A ko, “Fo i ñanta piriisi kuntii baa jaabi la wo le ñaama?”

1 Pita 2:23

Kabiriŋ ì ka a neŋ, a maŋ ì joo niŋ nendiroolu la. Biriŋ a toorata, a maŋ silandiri ke, bari a ye a la kuwo tu Alla le bulu, meŋ ka kiitiyo ke tiliŋo kono.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Mika 5:1

Yerusalaamunkoolu, ali kafu ñoo ma ka kelediŋ kafoolu loo. Jawoolu ye ǹ suki le. Ì niŋ busoo, ì be Banisirayila maralilaa busa la a tamoo le to.

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Yesaya 52:14

Moo jamaa jaakalita le, biriŋ ì ye a je, baramoolu ye a muluŋo yelemandi, fo moo buka a suutee ko hadamadiŋo le mu, a niŋ hadamadiŋ maŋ muluŋ.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Jabuuroolu 35:25

Kana soŋ ì ye a fo ì faŋ ma ko, “A fele, ŋà n jusulaa kuwo soto a la le.” Ì ye a fo ko, “Ŋà n kutu a la le kendeke.”

Jabuuroolu 22:13

Ì ka ì daalu yele n kaŋ ne komeŋ jatoolu, ì ka bumbuŋ aniŋ ka kirimbaasi n kaŋ.

Luka 22:62

Bituŋ Pita taata banta, aduŋ a kumboota baake.

Yohana 18:19

Wo to le piriisi kuntii baa ye Yeesu ñininkaa a la saayiboolu la kuwo la, a niŋ a la karandiroo.