Luka 21:25 - Mandinka Bible

²⁵ “Aduŋ taamanseeroolu be tara la tiloo, karoo aniŋ looloolu bala. Baa niŋ jiibaliŋolu la maakaŋ baa be niitooroo niŋ jikilateyoo laa la nasiyoŋolu kaŋ.

Luka 21:25 ပူးပေါင်းရင်းမြစ်များ

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Daniyeli 12:1

Malaayikoo ñiŋ tententa ka a fo ko, “Wo waatoo la Mikayeli be finti la le, malaayika kuntii baa, meŋ ka i la moolu kanta. Mantoora waatoo be naa le, meŋ ñoŋo nene maŋ soto kabiriŋ Banisirayilankoolu keta ì fansuŋ bankoo ti, fo ka naa bula wo waatoo la. Niŋ wo waatoo siita, i la moolu mennu toolu be safeeriŋ baluwo kitaaboo kono, wolu be tanka la le.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Kiilaalu 2:19

M be kaawakuwolu yitandi la saŋo santo le, aniŋ taamanseeroolu duniyaa kono duuma. Yeloo niŋ dimbaa be tara la jee, aniŋ siisii dibiriŋ baa.

Yesaya 51:15

Kaatu nte le mu Yaawe ali la Alla ti, meŋ ka baajiyo maamandi, fo baa baliŋolu si bumbuŋ. Yaawe Alihawaa Maariyo* le mu n too ti.

Maaka 13:26

Wo to le ì be Moo Dinkewo* je la naa kaŋ minaayoolu kono, a niŋ a la sembe baa niŋ kallankeeyaa*.

Maaka 13:24

“Bari wo waatoo, koleyaa kuu baa koolaa, tiloo be dibi la le, aduŋ karoo te a la maloo dii la.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Jabuuroolu 46:3

hani niŋ baa jiibaliŋolu fuusata ka faji, ka konkoolu jiijandi saŋarake. S

Maaka 15:33

Kabiriŋ talaŋ taŋ niŋ fula tilibuloo siita, dibi baa dunta bankoo muumewo bee kaŋ fo talaŋ saba tilibuloo.

Yeremiya 4:23

Ŋa duniyaa juubee le, a be kenseŋyaariŋ, sawura te a la, saŋ fatoolu fanaa, ì malafeŋolu bee yeemanta le.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Matiyu 27:45

Saayiŋ, ka bo talaŋ taŋ niŋ fula tilibuloo ka taa fo talaŋ saba tilibuloo, dibi baa dunta bankoo muumewo bee kaŋ.

Mika 7:4

Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Yesaya 17:12

Hee, maakaŋ waroo banku jamaa kaŋ, ì kumakaŋo be le ko baa maakaŋo! Hee, bumbuŋ kaŋo banku jamaa kaŋ, ì bumbuŋ kaŋo be le ko fankaasoo bumbuŋ kaŋo!

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Luka 21:26

Moolu be kuwolu mennu je la ke la duniyaa kono, wo be ì ketundi la le silaŋo kamma la, kaatu saŋ fatoolu la semboolu be jiijandi la le.