Luka 12:5 - Mandinka Bible

⁵ Bari m be ali dandalaa la, ali ñanta sila la meŋ na. Ali sila Alla la, ate meŋ ye semboo soto ka ali faa, aduŋ a ye semboo soto le ka ali fayi Jahannaba kono. Ŋa a fo ali ye, ali sila Alla la!

Luka 12:5 ပူးပေါင်းရင်းမြစ်များ

2 Pita 2:4

Alla maŋ yamfa hani malaayikoolu ye daameŋ, biriŋ ì ye junuboo ke nuŋ, bari a ye ì fayi dinka dambaloo kono, ì be tu la sitiriŋ dibi baa kataŋo kono daameŋ fo kiitiiluŋo la.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Lankenemoo 14:7

A sarita niŋ sari baa la ko, “Ali sila Alla la, aniŋ ali ye a horoma, a la kiitiyo waatoo siita le. Ali ate batu, meŋ ye saŋo niŋ bankoo daa, fankaasoo aniŋ woyoolu.”

Hiburunkoolu 10:31

Ka duŋ Alla baluuriŋo buloo kono, wo mu silaŋ kuu baa le ti.

Jabuuroolu 9:17

Moo kuruŋolu be taa kaburoo kono le, banku koteŋ moolu mennu bee ñinata Alla la.

Kuma Kotoomaalu 14:26

Moo meŋ silata Yaawe la, wo ye tankaraŋ tatoo le soto, aduŋ a be ke la a diŋolu ye tankaraŋo le ti.

Lankenemoo 20:14

Wo to le saayaa aniŋ a taradulaa fayita dimbaa daloo kono. Ñiŋ dimbaa daloo le mu saayaa fulanjaŋo ti.

1 Tesalonikankoolu 4:6

Alla lafita le fanaa ko, moo-wo-moo kana landatamboo ke ka a mooñoo nakari ñiŋ kuwo la. Maariyo be i joo la wo moo siifaalu to le wo kuwolu bee la. Ŋà ñiŋ fo ali ye le nuŋ, ka ali dandalaa kendeke.

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Matiyu 5:22

Bari saayiŋ m be fo la alitolu ye, moo-wo-moo meŋ kamfaata a baadiŋo* kamma, wo maarii ñanta kiitindi la le. Aduŋ moo-wo-moo meŋ ye a baadiŋo neŋ, wo maarii ñanta taa la luwaa ñaatiliŋo la le. Aduŋ moo-wo-moo meŋ ko a baadiŋo ye ko, ‘Ite toolee’, wo maarii ñanta duŋ na Jahannaba dimbaa kono le.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Yeremiya 10:7

Jumaa le te sila la ite la, ite, bankoolu la Mansoo? Ñiŋ ne ñanta ite to. Bankoolu moo ñaamendiŋolu bee kono, ì la mansamarali bankoolu bee kono, kiliŋ te jee meŋ be ko ite.

Maaka 13:23

Bari ali ali hakiloo tu, ŋa kuwolu bee fo ali ye le, janniŋ ì waatoo be sii la.

Yeremiya 41:18

Ì silata nuŋ Babiloninkoolu le la, kaatu Isimayila ye Kedaliya faa le, Babiloni mansakewo ye meŋ tomboŋ kumandaŋo ti Yahuuda bankoo kaŋ.