Luka 12:19 - Mandinka Bible

¹⁹ Bituŋ ŋa a fo n niyo ye ko, “I dahaa, i ye siimaŋ jamaa le soto saayiŋ ka ì maabo fo sanji jamaa. Domoroo niŋ miŋo ke seewoo kono.” ’

Luka 12:19 ပူးပေါင်းရင်းမြစ်များ

Yuuba 14:1

Hadamadiŋo meŋ, a ka wuluu ka bo musoo le kono, a baluu tili maŋ siyaa, a bee be faariŋ nambaroo la.

Jabuuroolu 49:18

Hani niŋ moo ye barakoo soto a ñaama, a la baluwo waatoo la, aduŋ moolu ye a jayi kaatu a ye kututeyi a faŋ ye le,

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Kuma Kotoomaalu 10:2

Naafuloo meŋ sotota tilimbaliyaa kono, maŋ nafaa soto, bari tiliŋo si moo niyo tankandi noo le.

Kuma Kotoomaalu 14:24

Moo ñaamendiŋo la naafuloo le ka ke a la buuñaa ti, bari kuntaŋyaa le ka ke toolewo taa ti.

Kuma Kotoomaalu 18:11

Fankamaalu fee, ì la naafuloo mu saatee bambandiŋo le ti, aduŋ ì ye a miira le ko, a ka muluŋ sansaŋ jaŋo le la.

Kuma Kotoomaalu 23:5

Jee niŋ jee naafuloo si naa, a ye taa kataba kiliŋ, a ka munta le ko a ye dampaŋolu le soto, a ye tii saŋo santo ko seeliŋo.

Kuma Kotoomaalu 27:1

Kana kibiri saama kamma, kaatu i maŋ a loŋ, saama niŋ meŋ be naa.

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kawandilaa 2:24

Feŋ ne maŋ beteyaa hadamadiŋo ye, ka tambi domoroo niŋ miŋo la, aniŋ ka niiseewoo soto a la kata kuwolu to. Ŋa a je le ko, ñiŋ fanaa ka bo Alla le bulu.

Yesaya 22:13

Bari ali a juubee! Maadiyaa niŋ feetoo le be keriŋ. Ninsoolu niŋ saajiyolu be faa la, ali be suboo ñimi la, aniŋ ka wayinoo* miŋ. Ali ko, “Ali ŋà domoroo ke ŋà m miŋ, saama ǹ si faa noo le.”

Yesaya 5:11

Kooroo be wo moolu ye, mennu ka wuli soomandaa juunoo ka taa doloo ñini, ka yaayi, ka tara banta fo suuto baa, ì ye wayinoo miŋ fo ì ye siira.

Yesaya 5:8

Kooroo be ali ye, alitolu mennu ka tu buŋ jamaa saŋo la, aniŋ ka kunkoolu taa-taa laalaa, moo maŋ feŋ soto alitolu koolaa, ali dammaa le tarata siiriŋ bankoo kaŋ.

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

Hoseya 12:8

Ali ka ñiŋ ne fo ko, ‘Ŋà naafulu jamaa le soto, m̀ fankata le kendeke. Ǹ na ñiŋ naafuloo bee tilimbaliyaa te je noo la ǹ na karoo la, waraŋ junuboo.’

Amosi 6:13

Ali ka kibiri ali la Lo-Deba saatewo noo la, ali ye ali faŋ wara ka a fo ko, ali ye Karinayimu saatewo taa niŋ ali faŋo birisoo le la.

Habakuki 1:16

Ì ye sadaalu* bo ì la jaloolu ye. Ì ye seera feŋ diimaalu siisindi ì ye, ko wolu le ka a tinna ì ka mutaroo ke kendeke, aniŋ ka domori kendoo soto.

Luka 12:18

Wo to le a ko, ‘M be ñiŋ ne ke la. M be n na buntuŋolu janjaŋ na le, ŋa buntuŋ baa loo. Bituŋ n si n na siimaŋo niŋ sotofeŋ koteŋolu bee maabo jee.

Luka 16:19

“Fankamaa doo le sotota nuŋ, meŋ ka waramba wuleŋo niŋ bayi ñiimaa duŋ, a ka domoroo fanaa ke niidiyaa kono luŋ-wo-luŋ.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

1 Korintinkoolu 15:32

Niŋ ŋà a juubee niŋ hadamadiŋyaa miiroo la, nte la kañewo mu muŋ ne ti, kabiriŋ n niŋ daafeŋ saŋarariŋolu keleta Efesus saatewo to? Niŋ a ye a tara, furewolu buka wulindi, wo to, “Ali ŋà domoroo ke, ŋà m̀ miŋ, saama ǹ si faa noo le.”

Filipinkoolu 3:19

Wo moolu labaŋo mu kasaaroo le ti, kaatu ì konobatoo le mu ì la alla ti. Ì ka kibiri kuwolu le la, ì ñanta malu la mennu la. Ì hakiloolu ka tu ñiŋ duniyaa kuwolu doroŋ ne kaŋ.

1 Timoti 5:6

Bari furuyaamusoo meŋ be baluuriŋ niidiyaa kono, wo faata le, hani a be baluuriŋ ñaa-wo-ñaa.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

2 Timoti 3:4

Ì be ke la jamfantuŋolu niŋ hakilitubaloolu le ti, aduŋ ì be faa la niŋ faŋ waroo le la. Ì be niidiyaa le kanu la ka tambi Alla la.

Yankuba 5:5

Ali tarata ñiŋ duniyaa kono fankoo niŋ niidiyaa kono! Ali ye ali sondomoolu ke batundoo ti, bari a be pareeriŋ kanateyi luŋo le ye.

1 Pita 4:3

Waatoo meŋ tambita, wo si kaañaŋ alitolu fee kuwolu to, Alla lombaloolu ka baara mennu la. Wo kuwolu le mu malubaliyaa ti, hame kuu jawoolu, siiroo, bumbaayoo, bidaŋo, aniŋ jalambatoo, meŋ niŋ hani luwaa faŋo maŋ taa ñoo la.

Lankenemoo 18:7

Ali tooroo niŋ woosiyo jamaa dii a la ko a ye horomoo niŋ niidiyaa dii a faŋo la ñaameŋ. A ka a fo a sondomoo kono ko, ‘Nte be siiriŋ ne ko mansamusoo*. M maŋ ke furuyaamusoo ti, aduŋ n nene te woosii la!’

1 Samuweli 30:16

A tambita Dawuda ñaato, ì taata jee. Ñapinkannaalu tarata janjandiŋ karoo bee le la, ì be domoroo niŋ miŋo la aniŋ doŋo, kaatu ì ye feŋ jamaa le taa Filisitinkoolu niŋ Yahuuda moolu la bankoolu kaŋ.