Lankenemoo 8:7 - Mandinka Bible

⁷ Malaayika foloo ye a la footaŋo fee, bituŋ saŋ beroolu niŋ dimbaa fintita, meŋ niŋ yeloo be ñaamiriŋ. Ì boyita duniyaa kono duuma. Bituŋ bankoo la talaadaa sabanjaŋo janita, yiroolu la talaadaa sabanjaŋo janita, aniŋ ñaama kitiŋolu bee.

Lankenemoo 8:7 ပူးပေါင်းရင်းမြစ်များ

Jabuuroolu 105:32

A ye samaajiyo ke ì ye samberoo ti, saŋ ŋalasoo tuta ŋalasi la ì la bankoo bee kaŋ.

2 Musa 9:33

Bituŋ Musa ye Firawoona bula jee, a fintita saatewo kono. A ye a buloolu wulindi Yaawe ye, a duwaata, bituŋ sankumoo niŋ samberoolu tenkunta, aduŋ samaa maŋ boyi bankoo kaŋ kotenke.

Yesaya 28:2

Ali a juubee, Maariyo ye moo le tomboŋ meŋ ye semboo soto, aduŋ a bambanta komeŋ samberoo, aniŋ ko foñoo meŋ ka kasaaroo ke, komeŋ sanji baa niŋ waamoo. A be ali la saatewo foriseetoo busandi la bankoo to.

Yesaya 29:6

Wo loo to, Yaawe* Alihawaa Maariyo* si i kiisa. A niŋ saŋ feteŋ baa le be naa ñoo la, banku jarajara baa, foño saŋara baa, turubaadoo, aniŋ kasaarali dimbaa neŋolu.

Yesaya 30:30

Yaawe be moolu moyindi la a kaŋ kallankeeyaariŋo* la le, aduŋ ì be a je la le, a busari buloo be jii kaŋ naŋ duuma, a niŋ kamfaa baa niŋ dimbaa wuleŋo, saŋ feteŋo, turubaadoo aniŋ saŋ beroo.

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Yoweli 2:30

“Wo waatoo la, kaawakuwolu be ke la duniyaa kono le, aniŋ saŋo santo: yeleboŋo, dimbaa aniŋ siisii baa.

Yankuba 1:11

Kaatu tiloo niŋ foño kandoo le ka wuli, meŋ ka ñaamoo jandi, a firoo ye joloŋ, a la ñiiñaa ye yeemaŋ. Fankamaa fanaa la kuwo be wo le ñaama: A faŋo be yeemaŋ na le, aduŋ a la kuwolu bee be daŋ na jaŋ ne.

Yosuwa 10:11

Kabiriŋ ì be bori kaŋ Banisirayilankoolu ñaato ka bo Beti-Horoni Konko jiiraŋ siloo kaŋ ka taa Aseka, Yaawe ye sambere baalu joloŋ ì kaŋ naŋ ka bo saŋo santo. Ñiŋ samberoolu ye moo jamaa le faa ì kono. Samberoolu ye moo meŋ faa, wo le siyaata ka tambi moolu la, Banisirayilankoolu ye mennu faa hawusaroolu* la.

1 Pita 1:24

Wo kamma la, a be safeeriŋ ne ko: “Hadamadiŋolu bee be le ko ñaamoo, ì la ñiiñaa be le ko wulakono firoo. Ñaamoo ka noro le, a firoolu ye joloŋ,

Lankenemoo 12:4

A ye looloolu la talaadaa sabanjaŋo bee fita saŋo santo niŋ a feñoo la, a ye ì fayi duniyaa kono. Bituŋ ninkinankoo ñiŋ naata loo musoo ñiŋ ñaato, meŋ pareeta ka wuluu, fo a si musoo diŋo kunuŋ, niŋ a wuluuta.

Lankenemoo 16:2

Malaayika foloo taata, a ye a la booloo boŋ bankoo kaŋ. Bituŋ moolu mennu ye wo daafeŋ saŋarariŋo la taamanseeroo soto, aniŋ ì ka a muluŋo batu, maadiŋ baalu fintita ì baloolu bala.

Lankenemoo 16:21

Saŋ bere baalu boyita naŋ moolu kaŋ ka bo saŋo santo, mennu la kuliyaa tambita kilo taŋ naani la. A mantooroo la jawuyaa ye a tinna le, moolu ka kuma jawoo fo Alla ma. A kijafaroo semboo warata baake le!

Lankenemoo 6:8

Bituŋ ŋa suu mampatabaloo je. A borindilaa too mu Saayaa le ti, aduŋ Kaburoo bulata a nooma. Semboo diita itolu la le ka duniyaa talaadaa naaninjaŋo bee faa niŋ hawusaroo la, konko jawoo, alibalaa kuuraŋo, aniŋ daafeŋ saŋarariŋolu.

Lankenemoo 7:1

Wo koolaa, ŋa malaayika naani je looriŋ duniyaa tonkoŋ naanoo to. Ì ye foño naanoo muta, mennu ka fee ka bo naŋ duniyaa tonkoŋ naanoo to. Ì ye wolu muta le fo foño kana fee fankaasoo, bankoo waraŋ yiri-wo-yiri kaŋ.

Lankenemoo 9:15

Bituŋ malaayika naanoo ñiŋ naata firiŋ, mennu parendita ñiŋ waatoo faŋo kamma la, a luŋo, a karoo aniŋ a saŋo, ka hadamadiŋolu talaadaa sabanjaŋo bee faa.

Lankenemoo 9:18

Hadamadiŋolu la talaadaa sabanjaŋo bee faata ka bo wo mantoora saboo le la, mennu mu dimbaa ti, siisiyo aniŋ solifa munkoo, mennu ka bo suwoolu daalu kono.

Lankenemoo 9:4

Ì ye yaamaroo soto ko, ì kana ñaamoolu tiñaa, fiifeŋolu waraŋ yiri-wo-yiri, bari ì si wo hadamadiŋolu doroŋ mantoora, mennu maŋ Alla la tampoo soto ì foŋolu to.