Lankenemoo 6:17 - Mandinka Bible

¹⁷ Ì la kamfaa luŋ baa naata le, jumaa le si loo noo a ñaato?”

Lankenemoo 6:17 ပူးပေါင်းရင်းမြစ်များ

Malaki 3:2

Bari jumaa le si a ñaa tiliŋ noo ñiŋ luŋo la naa la? Jumaa le be loo noo la a ñaatiliŋo la niŋ a naata? Kaatu a be muluŋ na le ko tunkaŋ dimbaa, waraŋ kuurilaŋ saafunoo.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Lankenemoo 16:14

Ì mu noora jawoolu le ti ka bo Seetaanoo* yaa, mennu ka kaawakuwolu ke. Ì ka finti le ka mansoolu kafu ñoo ma ka bo duniyaa tonkoŋ naanoo bee to, ka keloo ke luŋo la, meŋ be ke la Alla Mansa Tallaa la luŋ baa ti.

Yoweli 2:31

Tiloo be yelema la diboo ti, karoo ye wulee ko yeloo, janniŋ Yaawe la luŋ baa, luŋ koleŋo be naa la.

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Lankenemoo 11:18

Nasiyoŋolu kamfaata le, bari ite la kamfaa baa, wo ye dandulaa ke ì la le. Waatoo siita le ka furewolu kiitindi. Waatoo siita le ka i la dookuulaalu joo, i la annabiyomoolu aniŋ i la moo senuŋolu. Waatoo siita le ka moolu joo, mennu ka i too buuñaa, biriŋ moondiŋ fo moo baa, aniŋ ka moolu kasaara mennu ye kasaaraloo ke duniyaa kono.”

Yuuda 1:6

Aduŋ malaayikoolu fanaa mennu maŋ tu ì loodulaa to nuŋ, bari ì bota jee, wolu be tu la sitiriŋ badaa-badaa neejoloolu le la dibi baa kataŋo kono, fo Kiitiiluŋ baa ye naa.

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

1 Samuweli 6:20

Bituŋ Beti-Semesi kewolu ye ñininkaaroo ke ko, “Jumaa le be loo noo la Yaawe Alla senuŋo ñaatiliŋo la? Kambeŋ Kunewo be taa jumaa le yaa, niŋ a bota jaŋ?”

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 110:5

Yaawe be i bulubaa karoo la le. Niŋ a kamfaata waatoo meŋ na, a be mansoolu kasaara la le.

Yesaya 63:4

Kaatu ŋa ñiŋ soto n sondomoo kono le ko, luŋo meŋ na m be juloo joo la n jawoolu to, siita le, aniŋ m be kumakaaroo ke la saŋo meŋ na.

Yoweli 1:15

Kooroo luŋ, luŋ koleŋ baa! Yaawe la luŋo sutiyaata naŋ ne, luŋo meŋ Alla Tallaa be kasaaroo naati la naŋ.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.