Lankenemoo 5:3 - Mandinka Bible

³ Bari hani moo kiliŋ te jee, Arijana kono waraŋ bankoo kaŋ waraŋ bankoo koto duuma, meŋ si ñiŋ kitaabu moromororiŋo yele noo, waraŋ ka a kono juubee.

Lankenemoo 5:3 ပူးပေါင်းရင်းမြစ်များ

Lankenemoo 5:13

Bituŋ n naata daafeŋolu bee moyi, mennu be Arijana kono, bankoo kaŋ, bankoo koto duuma, fankaasoo kono aniŋ dulaalu bee to. Ì kumata ka a fo ko: “Jayiroo niŋ horomoo be ate le ye, meŋ be siiriŋ mansasiiraŋo kaŋ, a niŋ Saajiiriŋo! Kallankeeyaa niŋ waroo be itolu le ye, fo abadaa!”

Roomankoolu 11:34

“Jumaa le ye Maariyo la miiroolu loŋ, waraŋ ka ke a yaamarilaa ti?”

Yesaya 41:28

Ŋa juubeeroo ke jalaŋolu kono le, m maŋ hani kiliŋ je ì kono, meŋ si yaamaroo dii, niŋ ŋa ì ñininkaa, kiliŋ te jee meŋ si n jaabi.

Filipinkoolu 2:10

Wo le ye a tinna ka bo niŋ Yeesu too la, niilamaa feŋolu bee be ñoyi la a ñaatiliŋo la le, mennu be Arijana kono, duniyaa kono jaŋ, waraŋ bankoo kono duuma.

Lankenemoo 5:4

N kumboota baake, kaatu moo maŋ soto, meŋ jarita ka wo kitaabu moromororiŋo yele, waraŋ ka a kono juubee.