Lankenemoo 3:19 - Mandinka Bible

¹⁹ Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Lankenemoo 3:19 ပူးပေါင်းရင်းမြစ်များ

2 Samuweli 7:14

M be ke la a faamaa le ti, aduŋ a be ke la n diŋo le ti. Niŋ a ye kuu jawoo ke, m be a kuluu la niŋ kewolu la busoo le la ko kuluuroo meŋ ka laa kewolu kaŋ, niŋ ì ye kuu jawoo ke.

Yuuba 5:17

Seewoo be moo la kuwo to, Alla ye meŋ londi sila tilindiŋo kaŋ. Wo kamma la, niŋ Alla Tallaa be i so kaŋ kuluwo la, kana balaŋ a la.

Jabuuroolu 39:11

I ka moolu jalayi le, ka ì kuluu, ì la junuboolu kamma la, i ye ì la sotofeŋolu kasaara, ì ye mennu kanu, komeŋ niŋ tumboolu dunta feŋo la. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Jabuuroolu 6:1

Hee Yaawe*, kana n jalayi i la kamfaa kaŋ, waraŋ ka n kuluu i la diminnaa kaŋ.

Jabuuroolu 69:9

Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa, aduŋ moolu mennu ka i neŋ, ì la nendiroolu ka laa nte le kaŋ.

Jabuuroolu 94:10

Ate meŋ ka bantala banku* moolu jarabi, fo a te alitolu jarabi la baŋ? Ate meŋ ka londoo dii, fo a maŋ londoo soto baŋ?

Kuma Kotoomaalu 15:10

Mantoora jawoo le be moo batu kaŋ, meŋ maŋ tiliŋ siloo la, moo meŋ maŋ lafi yitandiroo la, wo be faa la le.

Kuma Kotoomaalu 15:32

Moo-wo-moo balanta kuluuroo la, a ka jutu a faŋo le la, bari moo meŋ sonta yitandiroo la, wo ka fahaamuroo soto le.

Kuma Kotoomaalu 22:15

Dindiŋo dalita le ka a faŋo ke toolewo ti, bari niŋ i ye busoo tiliŋ a la, wo ka a jamfandi a la le.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 31:18

Yaawe ko: “Ŋa a moyi le famfaŋ Efurayimu be woosii kaŋ ko: ‘I ye n kuluu le komeŋ tuuraariŋ nunsoobaloo. M murundi, fo n si muru n ñaama, kaatu ite le mu Yaawe, n na Alla ti.

Yeremiya 7:28

Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.

Sefaniya 3:2

Saatewo meŋ, a buka yaamari muta, dandalaaroo, a buka wo moyi, a maŋ a jikoo loo Yaawe* kaŋ, a maŋ soŋ ka a ñaa tiliŋ Alla la.

Matiyu 25:7

Wo to le sunkutoolu bee wulita, ì ye ì la lampoolu mutandi.

Yohana 2:17

Wo to le a la saayiboolu hakiloolu bulata kumoo la, meŋ safeeta nuŋ ko: “Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa.”

Roomankoolu 12:11

Ali kana dasa ali la hame baa la, bari ali fatiyaa Nooroo kono ka Maariyo batu.

1 Korintinkoolu 11:32

Bari niŋ Maariyo ye ǹ kiitindi, wo mu ǹ ye kuluuroo le ti, fo ǹ niŋ duniyaa moolu kana halaki ñoo la.

2 Korintinkoolu 6:9

Ì ka m̀ muta moolu ti, mennu la kuwo maŋ loŋ, bari ǹ darajoo janjanta, waraŋ ko moolu mennu sutiyaata saayaa la, bari m̀ be baluuriŋ ne, waraŋ ko moolu, kuluuri koleŋo laata mennu kaŋ, bari m̀ maŋ foo ǹ niyo la.

2 Korintinkoolu 7:11

Ali a juubee, Alla ye ali yelemandi ñaameŋ ka bo niŋ ñiŋ sunoo la: Ali hameta ka a yitandi ko, ali seneyaata le. Ñiŋ sunoo ye silaŋo le duŋ ali la, a ye a tinna ali kamfaata, a ye hamoo duŋ ali la ka je tiliŋo ye taama. Ali naata paree ka wo moo kuluu, meŋ ye kebaara kuruŋo ke. Ali ye ali faŋolu yitandi feŋo bee le to ko, ali maŋ sootaaroo soto ñiŋ kuwo to.

Kalatiyankoolu 4:18

A beteyaata le ka katoo ke daliila betoo kaŋ waati-wo-waati. Ali kana wo ke waatoo doroŋ na, m be ali fee meŋ na.

5 Musa 8:5

Ali kana ñina ko, Yaawe ali la Alla ye ñiŋ kuluuroo laa ali kaŋ ne, ko wuluulaalu ka ì diŋolu kuluu ñaameŋ.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Lankenemoo 2:5

Wo to, i hakiloo bulandi i la boyoo la. Tuubiseyi, i ye muru wo kebaaroolu kaŋ, i ye mennu ke folooto. Niŋ wo nte, m be naa la i kaŋ ne, aduŋ m be i la lampu looraŋo bondi la a noo to le.