Lankenemoo 3:18 - Mandinka Bible

¹⁸ Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

Lankenemoo 3:18 ပူးပေါင်းရင်းမြစ်များ

Lankenemoo 16:15

Maariyo ko, “Ali koroosiroo ke, nte be naa kaŋ ne ko suŋo! Barakoo be moo le ye, meŋ be a ñaa la ka a la duŋ feŋolu muta, fo a bala kenseŋo kana tu, niŋ moolu si a maluriŋo je.”

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.

Yesaya 55:1

Yaawe* ko: “Ali naa, jiyo fele, mindoo be alitolu mennu bee la. Kodoo te mennu bulu, ali naa feŋ taa ali ye a domo. Ali naa, wayinoo* niŋ keekewo miŋ, ali te kodi bondi la, aduŋ a maŋ daa soto.

Lankenemoo 19:8

Fulaari ñiimaa diita a la ka a duŋ, meŋ be seneyaariŋ, a be koyiriŋ ko perekaanoo.” Wo fulaari ñiimaa mu moo senuŋolu la kebaara tilindiŋolu le ti.

Malaki 3:3

A be sii la le ko kodiforo tunkannaa, a ye Lewi koomalankoolu seneyandi, a ye ì tenteŋ ko sanoo niŋ kodiforoo ka ke ñaameŋ. Wo le to ì be naa ke noo la piriisoolu* ti, ka sadaalu* bo Yaawe ye tiliŋo kono.

Lankenemoo 7:13

Wo to le, wo alifaalu kono, moo kiliŋ naata diyaamu n ye. A ye n ñininkaa ko, “Jumaa le mu wo moolu ti, waramba koyoolu be mennu la, aniŋ ì bota mintoo le?”

Matiyu 13:44

“Arijana mansabaayaa ka munta le ko naafuloo meŋ be maaboriŋ kunkoo kono. Kabiriŋ kewo ye a je, a naata a maabo kuu jee. A niŋ seewoo taata, a ye a la sotofeŋolu bee waafi, bituŋ a ye wo kunkoo saŋ.

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Jabuuroolu 32:8

Yaawe la kumakaŋo le mu ñiŋ ti ko, “M be i yaamari la le, ka a fo i ye i ñanta taa la siloo meŋ na. M be a yitandi la i la le i ñanta meŋ ke la, n ñaa ye tara i kaŋ.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Mika 1:11

Alitolu Safirinkoolu, ali kenseŋo ye taa mutoo kono, ali ye tara maloo kono. Alitolu Saananinkoolu, alitolu te haañi la ka finti banta. Beti-Eseli fele faariŋ woosiikaŋo la, tankoo suturoo wurata a kaŋ, a te ali deemaa noo la kotenke.

Jabuuroolu 73:24

I ka n kanda niŋ i la yaamaroo le la, wo koolaa i si naa n taa, i ye n dundi i la horomoo kono.

Lankenemoo 3:17

Ite ko, i fankata le, i ye ñaatotaa soto, aduŋ i maŋ suula feŋ na. Ite moo mantoorariŋo, i maŋ a loŋ ko, i mu balafaa moo le ti. Ite fuwaarediŋ, i mu finkintewo le ti, i kenseŋo tuta.

Lankenemoo 2:9

“Ŋa ite la tooroo loŋ ne, aniŋ i la fuwaareyaa, bari tooñaa, ite fankata le. Ŋa nendiri kumoolu loŋ ne, moo doolu ye mennu fo i ma. Wo moolu ka ì faŋ kumandi Yahuudoolu le la, bari ì maŋ ke wolu ti. Ì mu Seetaanoo* la kafoo le ti.

2 Korintinkoolu 8:9

Ali ye m̀ Maarii Yeesu Kiristu* la hiinoo loŋ ne ko, a mu fankamaa le ti, bari hani wo, a naata ke fuwaaroo ti ali la kuwo kamma la fo ka bo niŋ a la fuwaareyaa la, alitolu si ke fankamaalu ti.

Yesaya 47:3

I kenseŋo le be tara la looriŋ, moolu ye i maluriŋo je. M be makatoo bayi la le, moo te kana la n na mantooroo la.”

Kuma Kotoomaalu 23:23

Hame tooñaa la, aduŋ i kana soŋ a ye bo i bulu, i si ñaameŋo, kuluuroo aniŋ fahaamuroo ñini.

2 Korintinkoolu 5:3

kaatu niŋ ŋà a duŋ, m̀ bala kenseŋo te loo la.

Luka 12:21

A be wo le ñaama moo ye, meŋ ka naafuloo maabo a faŋo ye, bari a maŋ fanka Alla la kuwo to.”

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

Matiyu 25:9

Bari ñaamendiŋolu ye ì jaabi ko, ‘Hanii, a te ntolu bee sii la. Ali taa tulu waafilaalu yaa, ali ye doo saŋ ali faŋolu ye.’

Yeremiya 13:26

“Nte faŋo le be i la faanoolu wura la i la, ka i la maloo laa banta.

Kawandilaa 8:2

N ko, i si bula mansakewo la kaŋo nooma, kaatu i kalita wo le la Alla ñaatiliŋo la.

Kuma Kotoomaalu 19:20

Ka i lamoyi dandalaaroo la, i ye soŋ yaamarimutoo la, labaŋo la i be ke la moo ñaamendiŋo le ti.

Kuma Kotoomaalu 1:30

ali balanta n na dandalaaroo la le, ali ye ali ñaa kaasi n na yitandiroo la,

Kuma Kotoomaalu 1:25

Bayiri ali maŋ soŋ, ŋa ali londi siloo la, ali ye ali ñaa kaasi n na dandalaaroo la le,

Jabuuroolu 107:11

Kaatu ì balanta Alla la kumoolu la le, ka jutu Mansa Tallaa la yaamaroolu la.

Jabuuroolu 16:7

Ŋa Yaawe tentu, kaatu a ka n yaamari le, aduŋ suutoo fanaa n sondomoo ka n dandalaa le.

1 Timoti 6:18

Fankamaalu wakiilindi baara bete kewo la: Ì ye diiroo ke kendeke ì fansuŋ lafoo kaŋ,

Lankenemoo 4:4

Mansasiiraŋ muwaŋ niŋ naani le ye ñiŋ mansasiiraŋo muruŋ-muruŋ, ì ye a bula teema, aduŋ alifaa muwaŋ niŋ naani le be siiriŋ wo mansasiiraŋolu kaŋ. Ì bee ye waramba koyoolu le duŋ, aniŋ mansanaafoolu mennu dadaata niŋ sanoo la, be ì kuŋolu to.