Lankenemoo 21:22 - Mandinka Bible

²² Bari nte maŋ Alla Batudulaa Buŋo* je saatewo ñiŋ kono, kaatu Maariyo Alla Mansa Tallaa niŋ Saajiiriŋo le mu a batudulaa buŋo ti.

Lankenemoo 21:22 ပူးပေါင်းရင်းမြစ်များ

Yohana 4:23

Bari waatoo be naa kaŋ ne, aduŋ a siita le fokabaŋ, waatoo meŋ na baturilaa tooñaalu be Faamaa batu la nooroo niŋ tooñaa le kono. Ñiŋ ñoŋ baturilaalu, Faamaa lafita wolu le la.

2 Taarika 2:6

Wo to saayiŋ, jumaa le si buŋo loo noo a ye, a si kuŋ daameŋ? Hani saŋ fatoolu daŋo to, a te kuŋ na wo to. Wo to nte mu jumaa le ti ka buŋo loo noo a ye, fo dulaa doroŋ, jani sadaa be kali bo la a ye daameŋ?

1 Mansoolu 8:27

“Bari fo tooñaa Alla si tara noo sabatiriŋ duniyaa kono baŋ? Hani saŋ fatoolu daŋo to ite te kuŋ na wo to, sako ñiŋ buŋo nte ŋa meŋ loo.

Lankenemoo 1:8

Maarii Alla ko, “Nte le mu Alifa niŋ Omeka ti, Foloo niŋ Labaŋo.” Maarii Alla le ye wo fo, ate meŋ be keriŋ, meŋ be keriŋ nuŋ, aniŋ meŋ be naa la, ate meŋ mu Mansa Tallaa ti.

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”

Lankenemoo 5:6

Bituŋ ŋa Saajiiriŋo je looriŋ mansasiiraŋo niŋ wo daafeŋ baluuriŋ naanoo teema, wo alifaalu ye ì muruŋ-muruŋ. Saajiiriŋo ñiŋ be le ko meŋ kanateyita. Bina woorowula le be a la, aniŋ ñaa woorowula. Wolu mu Alla la noora woorowuloo le ti, a ye mennu kii duniyaa bee kono.

Kolosankoolu 2:9

Alla mankutoo be Kiristu kono le, a timmariŋo, hadamadiŋyaa kono,

Yohana 4:21

Bituŋ Yeesu ko a ye ko, “Musoo, laa nte la, waatoo be naa la le, waatoo meŋ na ali te Faamaa batu la ñiŋ konkoo kaŋ waraŋ Yerusalaamu.

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Lankenemoo 11:17

Ì be a fo la ko: “M̀ Maarii Alla Mansa Tallaa, ŋà tenturoo dii i la, ite meŋ be keriŋ, aniŋ ite meŋ be keriŋ nuŋ. Ŋà i tentu, kaatu i ye i la sembe baa yitandi le, i ye a dati le ka maraloo ke.

Lankenemoo 4:8

Wo daafeŋ baluuriŋ naanoo, ì meŋ-wo-meŋ ye dampaŋ wooro le soto. Wo dampaŋolu be faariŋ ñaalu le la, ì kara fuloo bee. Suuto tili, ì nene maŋ i dahaa ñiŋ jayiroo la ko: “Seneyaa, seneyaa, seneyaa be Maarii Alla Tallaa le fee, ate meŋ be keriŋ nuŋ, meŋ be keriŋ, aniŋ meŋ be naa la.”

Kolosankoolu 1:19

Alla faŋo kontaanita le ko, a la timmoo ye tara ate kono.

Yohana 10:30

Nte niŋ m Faamaa mu kiliŋ ne ti.”

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

Lankenemoo 16:14

Ì mu noora jawoolu le ti ka bo Seetaanoo* yaa, mennu ka kaawakuwolu ke. Ì ka finti le ka mansoolu kafu ñoo ma ka bo duniyaa tonkoŋ naanoo bee to, ka keloo ke luŋo la, meŋ be ke la Alla Mansa Tallaa la luŋ baa ti.

Matiyu 24:2

Bituŋ a ko ì ye ko, “Fo ali ye ñiŋ buŋolu bee je le baŋ? Tooñaa, m be a fo la ali ye, ali ye ñiŋ buŋolu meŋ je teŋ, hani bere kiliŋ te tu la laariŋ ñoo kaŋ jaŋ, meŋ te boyi la duuma.”

Lankenemoo 7:15

Wo le ye a tinna ì be Alla la mansasiiraŋo ñaatiliŋo la. Ì ka a batu a Batudulaa Buŋo* kono suuto, tili. Ate meŋ be siiriŋ mansasiiraŋo kaŋ, a be tara la ì fee le ka ì tanka.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Lankenemoo 14:4

Wolu le mu moolu ti, mennu maŋ ì faŋolu kosondi niŋ musoolu la, bari ì tuta foroyaariŋ. Ì ka Saajiiriŋo nooma le, a taata daa-wo-daa. Ì kumakaata le ka bo hadamadiŋolu kono Alla niŋ Saajiiriŋo ye, ì keta ko siimaŋ kuŋ foloolu katiri waatoo la.

Yohana 13:32

Aduŋ niŋ Moo Dinkewo ye Alla la semboo niŋ waroo yitandi, wo to Alla fanaa be Moo Dinkewo la semboo niŋ waroo yitandi la le, aduŋ a te mee la.