Lankenemoo 2:23 - Mandinka Bible

²³ M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.

Lankenemoo 2:23 ပူးပေါင်းရင်းမြစ်များ

Matiyu 16:27

Moo Dinkewo niŋ a la malaayikoolu be naa la le, a niŋ a Faamaa la kallankeeyaa*. Bituŋ a be moo-wo-moo joo la a la baara kuwolu la le.

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Roomankoolu 8:27

Alla meŋ ka moolu sondomoolu kisikisi, a ka a loŋ ne, Nooroo ka meŋ yitandi, kaatu Nooroo le ka loo moo senuŋolu ye ko Alla lafita a la ñaameŋ.

Kiilaalu 1:24

Wo to le ì duwaata ko, “Maariyo, ite ye moolu bee le sondomoo loŋ. A yitandi ǹ na, ite ye meŋ tomboŋ ñiŋ kee fuloo kono.

1 Pita 1:17

Ali ka ate le kumandi ali Faamaa la, meŋ ka moolu bee kiitindi ì la kebaaroolu la, faasaaroo te daameŋ. Wo to, ali baluu a ñaasilaŋo kono waatoo meŋ na, ali mu tumarankewolu ti ñiŋ duniyaa kono.

Yeremiya 11:20

Bari ite Yaawe Alihawaa Maariyo, meŋ ka kiitii tilindiŋo ke, aniŋ ka sondomoo niŋ hakiloo kono kotobo, n si a je i be juloo joo la ì to ñaameŋ, kaatu ŋa n na kuwo dunoo tu ite le bulu.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Yeremiya 20:12

Hee Yaawe Alihawaa Maariyo*, i ka moo tilindiŋolu kotobo le, i ka sondomoo niŋ hakiloo kono je le. N jerindi julujoo la i be meŋ ke la ì la, kaatu ŋa n na kuwo tu ite le bulu.

Jabuuroolu 62:12

aduŋ Maariyo, kanu bambaloo be ite le fee. Tooñaa, i be moo-wo-moo joo la a la baaroo la le.

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

2 Taarika 6:30

i si i lamoyi ka bo Arijana kono, i taradulaa, i ye yamfa. I si moo-wo-moo kuluu a la baaroo la, kaatu ite doroŋ ne ye moo bee sondomoo kono loŋ.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”

Lankenemoo 20:12

Aduŋ ŋa furewolu je, moo baalu niŋ moondiŋolu, ì be looriŋ wo mansasiiraŋo ñaatiliŋo la. Bituŋ kitaaboolu yeleta. Wolu kono, kitaabu doo tarata jee, meŋ mu baluwo kitaaboo ti. Wo to le furewolu kiitindita ì la kebaaroolu la, mennu be safeeriŋ wo kitaaboolu kono.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

2 Korintinkoolu 5:10

Kaatu m̀ bee be loo la Kiristu* la kiitiisiiraŋo ñaatiliŋo la le, fo moo-wo-moo si a la joo soto a balajaatoo la baara kuwolu to, fo a betemaa, waraŋ a jawumaa.

Jabuuroolu 26:2

Hee Yaawe, n kotobo, i ye n kisikisi. N sondomoo kono kusonsoŋ, aniŋ n na miiroolu,

1 Taarika 29:17

Ŋa a loŋ ne ko, i ka moo-wo-moo sondomoo kotobo le, aduŋ i ka seewoo moo tilindiŋo la kuwo to le. Ka bo niŋ n ŋaniyoo bee la, ŋa ñiŋ diiroo ke i ye tiliŋo le kono. Aduŋ ŋa a je le, i la moolu mennu benta jaŋ, kontaanita ñaameŋ ka soorifeŋolu samba naŋ i kaŋ.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Lankenemoo 2:11

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, saayaa fulanjaŋo te wo maa la muk!

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Roomankoolu 14:12

Wo to, ntolu meŋ-wo-meŋ ne be m̀ faŋolu kontibo la Alla ñaatiliŋo la.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

5 Musa 19:20

Niŋ moo toomaalu ye a moyi, meŋ keta wo maarii la, ì be sila la le, moo te haañi la wo kuu jawu siifaa ke la kotenke.

5 Musa 17:13

Niŋ moolu ye a moyi, ì be sila la le, moo te haañi la wo kuu siifaa ke la kotenke.

5 Musa 13:11

Niŋ Banisirayilanka toomaalu ye a moyi meŋ keta wo maarii la, wo be ì silandi la le, aduŋ moo nene te wo kuu kuruŋ siifaa ke la kotenke.

Lankenemoo 6:8

Bituŋ ŋa suu mampatabaloo je. A borindilaa too mu Saayaa le ti, aduŋ Kaburoo bulata a nooma. Semboo diita itolu la le ka duniyaa talaadaa naaninjaŋo bee faa niŋ hawusaroo la, konko jawoo, alibalaa kuuraŋo, aniŋ daafeŋ saŋarariŋolu.

5 Musa 21:21

Bituŋ wo saatewo kewolu bee si beroolu taa ka a kurulabuŋ fo a ye faa. Ali be kuruŋyaa bondi la ali kono teŋ ne. Banisirayilankoolu bee si ñiŋ moyi, ì ye sila.

Kalatiyankoolu 6:5

kaatu moo-wo-moo le ñanta a faŋo la dunoo taa la.

Sefaniya 1:11

Ali kumboo alitolu mennu be Saatewo Duumoo to, kaatu ali la safaarilaalu bee le be faa la, kodiforo peesalaalu bee ye kasaara.

Jabuuroolu 139:1

Yaawe*, i ye n kusonsoŋ ne, aduŋ i ye n loŋ ne.

Luka 16:15

Wo to le Yeesu ko ì ye ko, “Alitolu le mu wo moolu ti, mennu ka ì faŋolu tilindi moolu ñaa la, bari Alla ye ali sondomoolu kono loŋ ne. Kaatu feŋo meŋ kummaayaata moolu fee, a mu feŋ jawoo le ti, Alla ye meŋ koŋ.

Lankenemoo 20:13

Fankaasoo ye furewolu bondi naŋ, mennu be a kono, aduŋ saayaa niŋ a taradulaa ye furewolu bondi naŋ, mennu be ì kono. Bituŋ moolu bee kiitindita kuwolu la, ì ye mennu baara.

Lankenemoo 22:12

Yeesu ko, “Sambii nte be naa la, n niŋ jooroo. M be moo-wo-moo joo la ko a la kebaaroolu be ñaameŋ.

1 Taarika 17:18

Nte Dawuda si muŋ ne fo noo i ye kotenke? Kaatu ite ye nte i la dookuulaa loŋ ne, hani wo i ye m buuñaa.

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Yohana 4:16

Wo to le Yeesu ko a ye ko, “Taa, i ye i keemaa kumandi, i ye muru naŋ jaŋ!”