Lankenemoo 19:6 - Mandinka Bible

⁶ N naata kumakaŋo moyi, meŋ ka munta ko kafu baa, a maakaŋo be ko jiibaliŋ baalu niŋ saŋ feteŋolu. Ì be sari kaŋ santo ko: “Haleluyaa! Maariyo be maraloo kaŋ ne, ǹ na Alla Mansa Tallaa.

Lankenemoo 19:6 ပူးပေါင်းရင်းမြစ်များ

Yuuba 40:9

Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Jabuuroolu 47:2

Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

Jabuuroolu 47:7

Alla le mu duniyaa bee Mansoo ti. Ali Jabuura suukuwolu laa a ye kendeke.

Jabuuroolu 77:18

I la saŋ feteŋo birimintinta naŋ, i la saŋ ŋalasoolu ye duniyaa fanundi. Bankoo jarajarata ka jiijaa.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Jabuuroolu 97:12

Ali seewoo Yaawe la kuwo to, moo tilindiŋolu, ali ye a tentu niŋ a too senuŋo la!

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

Yesaya 52:7

Ñiŋ mu seewoo kuwo le ti, ka kiilaa je, a ye bo naŋ konkoo kaŋ aniŋ kibaari betoo. A ka kayiroo le kankulaa, ka kiisoo bankee moolu ye, a ka a fo Siyoni ye le ko, “Ali la Alla le mu mansoo ti!”

Yeremiya 51:48

Bituŋ saŋo niŋ bankoo, aniŋ ì kono feŋolu bee si seewoo, ka wuuri Babiloni kunna, kaatu tiñaarilaalu le be naa a kamma, ka bo naŋ maraa kara maafaŋo la.” Yaawe le ye a fo.

Esekiyeli 1:24

Niŋ ì be taa kaŋ, ì dampaŋolu kumakaŋo ka muluŋ ne ko baa baliŋolu ka bumbuŋ ñaameŋ, waraŋ ko kelediŋ kafu baa maakaŋo ka kuma ñaameŋ, waraŋ niŋ Alla Tallaa faŋo be daali kaŋ. Niŋ ì loota, ì ka ì dampaŋo seyindi a ñaama le.

Esekiyeli 43:2

Wo loodulaa to jee, ŋa Banisirayila la Alla la kallankeeyaa* je naa la n kaŋ ka bo naŋ tilibo maafaŋo la. A kumakaŋo ka munta le ko baa baliŋolu kumakaŋo. A la kallankeeyaa ye bankoo bee beŋ.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Lankenemoo 1:15

A siŋolu be malamala kaŋ ko jaawaloo meŋ kuloorita dimbaa la, aduŋ a kumakaŋo be le ko jiibaliŋ baalu.

Lankenemoo 1:8

Maarii Alla ko, “Nte le mu Alifa niŋ Omeka ti, Foloo niŋ Labaŋo.” Maarii Alla le ye wo fo, ate meŋ be keriŋ, meŋ be keriŋ nuŋ, aniŋ meŋ be naa la, ate meŋ mu Mansa Tallaa ti.

Lankenemoo 12:10

Ŋa kumakaŋ baa moyi Arijana kono, meŋ ko, “N na Alla la kiisoo, a la semboo niŋ mansabaayaa, aniŋ a la Alimasiihu* la kantiiyaa naata le, kaatu m̀ baadiŋolu* tuumilaa fayita duuma le. Ate le be ì tuumi kaŋ nuŋ, ǹ na Alla ñaatiliŋo la, suutoo niŋ tiloo la.

Lankenemoo 14:2

Wo to le ŋa kumakaŋo moyi naŋ Arijana kono, meŋ be ko jiibaliŋ baalu aniŋ saŋ kumakaŋ baa. A be le ko, kontiŋ kosilaalu la kontiŋ kumakaŋo.

Lankenemoo 19:1

Ñiŋ kuwolu koolaa, ŋa maakaŋo moyi, meŋ ka munta ko kafu baa Arijana kono. Ì be sari kaŋ santo ko: “Haleluyaa! Kiisoo, kallankeeyaa* aniŋ semboo, bee mu ǹ na Alla le taa ti.

Lankenemoo 19:4

Wo to le alifaa muwaŋ niŋ naanoo niŋ wo daafeŋ baluuriŋ naanoo sujudita, ì ye Alla batu, meŋ be siiriŋ mansasiiraŋo kaŋ. Ì ko: “Amiin, Haleluyaa!”

Lankenemoo 21:22

Bari nte maŋ Alla Batudulaa Buŋo* je saatewo ñiŋ kono, kaatu Maariyo Alla Mansa Tallaa niŋ Saajiiriŋo le mu a batudulaa buŋo ti.

Lankenemoo 4:5

Saŋ ŋalasoolu ka bo mansasiiraŋo bala, wolu niŋ saŋ feteŋolu niŋ kumakaŋ baa. Dimbaa pacama woorowula be a ñaato, mennu mu Alla la noora woorowuloo ti.

Lankenemoo 6:1

Bituŋ ŋa Saajiiriŋo je, a ye noto foloo teyi wo noto woorowuloo kono. Ŋa daafeŋ baluuriŋ kiliŋo moyi wo daafeŋ baluuriŋ naanoo kono, a kaŋo ka munta le ko saŋ kumakaŋo, a ko, “Naa!”

Lankenemoo 8:5

Bituŋ a naata cuuraayi siisindiraŋo taa, a ye a fandi niŋ dimbaa la, ka bo sadaajanidulaa to, bituŋ a ye a fayi duniyaa kono. Saŋ feteŋolu keta, aniŋ kumakaŋ baalu niŋ saŋ ŋalasoolu niŋ banku jarajaroo.