Lankenemoo 18:8 - Mandinka Bible

⁸ Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

Lankenemoo 18:8 ပူးပေါင်းရင်းမြစ်များ

Yuuba 9:19

Niŋ ŋa semboo tiliŋ a la, ate le semboo warata n ti. Niŋ n taata kiitiyo la karoo la, jumaa le be ate samane noo la?

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Yesaya 9:14

Wo to ka bo Banisirayila kuŋo to fo a feñoo to, ka taa seyiŋolu niŋ teŋ buloolu bee, Yaawe be a bee kuntu la le tili kiliŋ.

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Yeremiya 51:58

Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”

Yeremiya 51:6

Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

Lankenemoo 11:17

Ì be a fo la ko: “M̀ Maarii Alla Mansa Tallaa, ŋà tenturoo dii i la, ite meŋ be keriŋ, aniŋ ite meŋ be keriŋ nuŋ. Ŋà i tentu, kaatu i ye i la sembe baa yitandi le, i ye a dati le ka maraloo ke.

Lankenemoo 17:16

Aduŋ ì ye bina taŋo mennu je, wolu niŋ daafeŋ saŋarariŋo be cakamusoo ñiŋ koŋ na le. Ì be a wuraŋ na le, ì ye a kenseŋo bula. Ì be a suboo domo la le, ì ye a kasaara niŋ dimbaa la.

Lankenemoo 17:18

I ye musoo meŋ je, ate le mu saatee baa ti, meŋ ye kaŋo soto duniyaa mansoolu bee kaŋ.”

Lankenemoo 18:17

bari waati kiliŋ doroŋ, wo fankoo bee kasaarata.” Aduŋ kuluntiyolu, kuluŋ borindilaalu, kulunkono dookuulaalu, aniŋ moolu mennu bee ka safaaroo ke fankaasoo kono taariŋ, ì te haañi la ka sutiyaa a la. Ì ye a hayinaŋ dulaa jaŋ,

Lankenemoo 18:19

Bituŋ ì kumbootoo niŋ ì woosiitoo ka banku buutoo fayi ì kuŋolu kaŋ. Ì be woosii kaŋ santo ko: “Kooroo, kooroo be saatee baa ye! Moolu mennu bee ye kuluŋolu soto, wolu fankata ate le la, fankaasoo to. Bari waati kiliŋ doroŋ, a bee kasaarata.”

Lankenemoo 19:3

Ì ko kotenke ko: “Haleluyaa! A be tooroo dimbaa meŋ kono, wo siisiyo ka taa santo le, fo abadaa.”