Lankenemoo 18:24 - Mandinka Bible

²⁴ I buloo noota annabiyomoolu niŋ moo senuŋolu yeloo la le. Tooñaa, ite le buloo be wolu niŋ moo tilindiŋolu bee la saayaa koto, ì ye mennu faa duniyaa kono taariŋ.”

Lankenemoo 18:24 ပူးပေါင်းရင်းမြစ်များ

Lankenemoo 17:6

Ŋa musoo ñiŋ je siirariŋ niŋ Alla la moo senuŋolu yeloo la, aniŋ wo moolu yeloo, mennu faata Yeesu la kuwo seedeyaa kamma la. Kabiriŋ ŋa a je, n jaakalita baake le,

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

Yeremiya 51:49

“Fo Babiloni si boyi doroŋ, a ye Banisirayilankoolu faa meŋ ke, aniŋ a ye moolu mennu faa, duniyaa fannaa bee la.”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Kiilaalu 7:52

Jumaa le sotota annabiyomoolu kono nuŋ, ali mumuñolu maŋ meŋ toora? Ì ye doolu faa, mennu ye Tilindiŋo la naa kankulaa ì ye. Aduŋ alitolu naata ñiŋ Tilindiŋo jamfaa, ali ye a faa.

Lankenemoo 11:7

Niŋ ì ye ì la wo seedeyaa baŋ, daafeŋ saŋarariŋo meŋ ka sele naŋ ka bo dinka dambaloo kono, wo le be keloo boyi la ì kaŋ, aduŋ a be ì noo la, a ye ì faa.

Matiyu 23:35

Wo le ye a tinna yankankatoo be boyi la ali kaŋ moo tilindiŋolu bee yeloo boŋo kamma la, ka bo Haabiila yeloo to ka naa fo Jakariya yeloo to, Berekiya dinkewo, ali ye meŋ faa Alla Batudulaa Buŋo niŋ sadaajanidulaa teema.

Matiyu 23:27

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka munta le ko kaburoolu, ì ye mennu muu lasoo la. Ì banta ka tara ñiiñaariŋ, bari konoto ka tara faariŋ moo kulu jaaroolu le la, aniŋ feŋ nooriŋolu.

Daniyeli 7:21

Kabiriŋ m be juubeeroo la, ŋa a je ñiŋ binoo ye keloo boyi Alla la moolu kaŋ, aduŋ a ye ì noo.

1 Tesalonikankoolu 2:15

Itolu le ye Maarii Yeesu faa, aniŋ annabiyomoolu, aduŋ ì ye ntolu fanaa bayi ì la saatewolu kono. Ì ka Alla kamfandi, aduŋ ì ka balaŋ moolu bee ma.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

Esekiyeli 22:9

Moolu le be sabatiriŋ i kono, mennu ka kaŋo laa doolu la fo luwaa si wolu muta noo ka ì faa, doolu ka sadaalu* domo, ì ye mennu bo jalaŋolu ye, konkoolu santo, doolu ka cakayaa ke.

Yeremiya 2:34

I la duŋ feŋolu bala niŋ fuwaaroolu yeloo le mu, moolu mennu maŋ kuu ke, i maŋ mennu muta dulaa teyi la, bari hani wo bee,

Daniyeli 7:25

A be Alla Mansa Tallaa sooki la le, aduŋ a be Alla la moolu toorandi la le. A be feeroo ke la le ka ì la diina luwaalu niŋ waati looriŋolu faliŋ. Alla la moolu be tara la marariŋ a bulu le fo sanji saba niŋ too.