Lankenemoo 18:22 - Mandinka Bible

²² Ite Babiloni, kontiŋ kosoo te moyi la i la mbeedoolu kaŋ kotenke, jaloolu, ŋaliiti feelaalu niŋ footaŋ feelaalu te moyi la jee. Bulukalaŋ dookuulaalu te je la dookuwo la ite saatewo kono, aduŋ tuurikaŋo te moyi la kotenke.

Lankenemoo 18:22 ပူးပေါင်းရင်းမြစ်များ

Esekiyeli 26:13

M be daŋ ke la i la moolu la denkiloolu niŋ ì la kumafeŋ diimaalu la le, aduŋ moo te ì la kooraa kumakaŋolu moyi la kotenke.

Yeremiya 25:10

M be a tinna le ì la maadiyaa niŋ seewoo kumakaŋo ye daŋ, ka taa maañoo niŋ a keemaa la maañoobiti maakaŋo, aniŋ tuurilaŋ beroolu jurulikaŋo, ka taa lampoo la maloo.

Yeremiya 16:9

Nte Yaawe Alihawaa Maariyo*, Banisirayila la Alla ye ñiŋ ne fo ko: Ali ñaalu be a je la ali baluu tiloolu la le, ŋa maadiyaa niŋ seewoo kumakaŋolu daŋ ñiŋ dulaa to jaŋ, ka taa maañoo niŋ a keemaa la maañoobiti maakaŋo.

Yeremiya 7:34

M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Kawandilaa 12:4

I hakiloo ye bula a la, janniŋ waatoo ka sii, waatoo meŋ, mbeedito bundaalu be soroŋ na, tuuri kumakaŋo be deyi la. Waatoo meŋ, moo ka wuli kunoolu kuma waatoo, bari ì denkili kaŋo moyoo ka koleyaa a bulu.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yesaya 23:12

A ko, “Ite Sunkutundiŋ Sidoni bataariŋ, i te seewoo la kotenke. Wuli, i ye baa teyi ka taa Kitimu, hani jee faŋo, i te dahaa soto la.”

Matiyu 9:23

Kabiriŋ Yeesu futata maralilaa la buŋo to, a ye footaŋ feelaalu je, aniŋ moo jamaalu, mennu be woosii kaŋ, ì niŋ maakaŋ baa.

Yuuba 3:7

Moo kana konoo taa a luŋo ñiŋ na, kontaani kumakaŋ kana moyi a luŋo la.