Lankenemoo 18:21 - Mandinka Bible

²¹ Wo to le malaayika sembemaa baa ye beroo sika, meŋ warata ko tuurilaŋ bere baa. A ye a fayi fankaasoo kono. A ko: “Babiloni saatee baa si fayi duuma niŋ semboo la teŋ, a nene te soto la kotenke.

Lankenemoo 18:21 ပူးပေါင်းရင်းမြစ်များ

Esekiyeli 26:21

Meŋ keta i la, a be ke la moolu bee ye silaŋo le ti. Wo le be ke la i labaŋo ti. Moolu si i ñini, ì te i je la.” Maarii Yaawe le ye a fo.

Lankenemoo 5:2

Ŋa malaayika sembemaa je, meŋ be kankulaaroo kaŋ niŋ sari baa la ko, “Jumaa le jarita ka ñiŋ kitaabu moromororiŋo notoolu teyi, aniŋ ka a yele?”

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 18:22

Ite Babiloni, kontiŋ kosoo te moyi la i la mbeedoolu kaŋ kotenke, jaloolu, ŋaliiti feelaalu niŋ footaŋ feelaalu te moyi la jee. Bulukalaŋ dookuulaalu te je la dookuwo la ite saatewo kono, aduŋ tuurikaŋo te moyi la kotenke.

Lankenemoo 16:20

Baajooyoolu bee yeemanta, aduŋ konkoolu maŋ je kotenke.

Lankenemoo 12:8

Bari Mikayeli niŋ a la malaayikoolu ye ì noo le, aduŋ dulaa maŋ soto itolu ye kotenke Arijana kono.

Daniyeli 11:19

Mansakewo ñiŋ be muru la saatee tatariŋolu to le, a fansuŋ bankoo kaŋ, bari a be kasaara la le, aduŋ a la kuwolu be baŋ na wo le fee.

Yuuba 20:8

Ì si yeemaŋ ko siiboo, aduŋ ì te je la, ì ye ì bayi ko suuto finifinoo.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Lankenemoo 10:1

Bituŋ ŋa malaayika sembemaa baa doo je jii kaŋ ka bo saŋo santo. Minaayoo le ye a baloo muuri, kullimaaroo be a kunto. A ñaadaa be ko tiloo, a siŋolu be ko samasiŋ dimbaamaalu.

Jabuuroolu 37:36

Bari ñaato, biriŋ m be tambi la, a te keriŋ kotenke, ŋa a ñini ñaa-wo-ñaa, m maŋ a je noo.

Nehemiya 9:11

I ye baa baa fara i la moolu ye le, ka ì teyindi a kono, banku jaaroo kaŋ. I ye ì bayindilaalu fayi diinoŋñaa kono le, komeŋ berediŋo baajii saŋaroo kono.

2 Musa 15:5

Baa diinoŋo ye ì muuri, ì tunenta diinoŋo to komeŋ beroo.