Lankenemoo 18:17 - Mandinka Bible

¹⁷ bari waati kiliŋ doroŋ, wo fankoo bee kasaarata.” Aduŋ kuluntiyolu, kuluŋ borindilaalu, kulunkono dookuulaalu, aniŋ moolu mennu bee ka safaaroo ke fankaasoo kono taariŋ, ì te haañi la ka sutiyaa a la. Ì ye a hayinaŋ dulaa jaŋ,

Lankenemoo 18:17 ပူးပေါင်းရင်းမြစ်များ

Lankenemoo 17:16

Aduŋ ì ye bina taŋo mennu je, wolu niŋ daafeŋ saŋarariŋo be cakamusoo ñiŋ koŋ na le. Ì be a wuraŋ na le, ì ye a kenseŋo bula. Ì be a suboo domo la le, ì ye a kasaara niŋ dimbaa la.

Yesaya 23:14

Hee Tarisi kulunkononkoolu, ali lemba, kaatu ali la saatee tatariŋo kasaarata le.

Lankenemoo 18:19

Bituŋ ì kumbootoo niŋ ì woosiitoo ka banku buutoo fayi ì kuŋolu kaŋ. Ì be woosii kaŋ santo ko: “Kooroo, kooroo be saatee baa ye! Moolu mennu bee ye kuluŋolu soto, wolu fankata ate le la, fankaasoo to. Bari waati kiliŋ doroŋ, a bee kasaarata.”

Yunusa 1:6

Kuluŋ kuntiyo taata a yaa, a ko a ye ko, “Ite ka siinoo ñaadii le? Wuli, i ye i la Alla daani! A si ke noo, a ye balafaa ǹ ye, i si a je ǹ te kasaara la.”

Yeremiya 51:8

Waati kiliŋ, Babiloni boyita ka teyiŋ-teyiŋ. Ali kumboo a ye! Ali booroo naati a la baramoo ye, tumandoo a be kendeyaa la le.”

Niikuyaa Suukuwolu 4:6

Hee, jaraboo meŋ laata n na saatee moolu kaŋ, wo le tambita Sodomu taa la, meŋ kasaarata kataba kiliŋ, bulu maŋ maa a la.

Yesaya 47:9

Bari luŋ kiliŋ, ñaa biti niŋ ñaa yele kono, ñiŋ kuu fuloo be ke la le, i diŋolu bee be faa la le, i be ke la furuyaamusoo ti. I la batuutaalu niŋ saaboolu siyaata ñaa-wo-ñaa, ñiŋ kuwolu be laa la i kaŋ ne, ì te baayi la.

Kiilaalu 27:11

Bari kelediŋ kuntiyo laata kuluŋ borindilaa niŋ kuluntiyo le la ka tambi Pawulu la kumoo la.

Lankenemoo 17:12

“I ye wo bina taŋo mennu je, wolu mu mansa taŋ ne ti, mennu maŋ ì la mansayaa semboo soto foloo, bari ì niŋ daafeŋ saŋarariŋo be kaŋo soto la ñoo la le ko mansoolu, fo waatindiŋ.