Lankenemoo 18:14 - Mandinka Bible

¹⁴ Ì be a fo kaŋ ko: “I sondomoo be hameriŋ yiridiŋolu mennu la, wolu ye ì bula le, ì taata. I la fankoo niŋ ñiiñaa bee yeemanta i koto le, wolu te je la kotenke.”

Lankenemoo 18:14 ပူးပေါင်းရင်းမြစ်များ

1 Korintinkoolu 10:6

Ñiŋ kuwolu keta ntolu ye dandalaaroo le ti, fo ǹ kana hame kuu jawoo la ko itolu hameta a la ñaameŋ nuŋ.

Yankuba 4:2

Ali ka hame feŋ na, ali maŋ a soto noo, bituŋ ali ka moo faa. Ali ka ali ñaa loo wandi feŋo kaŋ, ali maŋ a soto noo, bituŋ ali ka sonkoo niŋ keloo ke. Ali te a soto la, kaatu ali buka Alla daani.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Luka 12:20

“Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Jabuuroolu 106:14

Ì tuta domori meeyaa bambaloo le yitandi la keñewuloo* kono, aduŋ ì ye Alla kotobo jee le.

4 Musa 11:4

Moo koteŋ kenseŋolu mennu be ì kono, ye ì la meeyaa yitandi baake domori koteŋolu la. Bituŋ Banisirayilankoolu fanaa naata woosii ka a fo ko, “Hee, niŋ ŋà suboo soto ka a domo!

Jabuuroolu 78:18

Ì ye Alla kotobo le ì la tawunteeyaa kaŋ, biriŋ ì ye domoroo kaniŋ meŋ ye ì meeyaa.

4 Musa 11:34

Bituŋ ì ye jee toolaa Kiburoti-Hataawa la, kaatu ì ye moolu le baadee jee mennu meeyaata.

Matiyu 11:8

Ali taata muŋ ne juubee? Fo kewo meŋ ye duŋ feŋ ñiimaalu duŋ baŋ? Ali ye a loŋ ne ko, feetoofata ñiimaa dunnaalu be mansabuŋolu le kono.

Lankenemoo 18:13

Ì ye sinnamoni niŋ timiyandiri feŋ doolu samba, cuuraayoo, miiri* munkoo, munku seeralaa doolu, wayinoo*, olifu* tuloo, wiiti* siimaŋ kesoolu niŋ fariña kendoo, ninsoolu, saajiyolu, suwoolu niŋ ì la sareetoolu, aniŋ mutamoolu.

Lankenemoo 18:15

Safaarilaalu mennu naata fanka baa soto wo feŋolu fiiroo to, ka bo niŋ ate la, wolu te haañi la ka sutiyaa a la, kaatu a la yankankatoo be ì sila la le. Ì kumbootoo niŋ ì woosiitoo be a fo kaŋ ko: